Dita e pestë e protestës së dhunshme vijon me përplasje të ashpra mes policisë dhe efektivëve të policisë.
Aktuali...
BOTA
Moska: Përjashtimi nga sanksionet nga presidenti Trump një moment historik
PiranjatPërditësimi i fundit 17 Tetor 2026, 15:42
Vendimi i presidentit amerikan, Donald Trump për të pezulluar zbatimin e sanksioneve të rëndësishme ndaj Rusisë, të miratuara nga Kongresi amerikan, përbën një goditje të re për Ukrainën dhe një moment historik, deklaroi sot Kirill Dmitriev, negociatori kryesor ekonomik i presidentit rus, Vladimir Putin.
“Pezullimi i zbatimit të ligjit Graham nga administrata Trump është një moment i rëndësishëm dhe vërtet historik”, deklaroi në rrjetet sociale Kirill Dmitriev, këshilltar i Kremlinit për bashkëpunimin ekonomik ndërkombëtar.
Deklarata e tij erdhi disa orë pasi presidenti amerikan nënshkroi një urdhër ekzekutiv që pezullon zbatimin e sanksioneve të reja ndaj Moskës.
Presidenti Trump, i pezulloi tarifat dhe sanksionet e reja ndaj Rusisë, pak para hyrjes së tyre në fuqi, afro një muaj pasi kishte nënshkruar një paketë të gjerë masash ndëshkuese ndaj Moskës.
Masat do të mbeten të pezulluara deri në një njoftim të mëtejshëm, sipas një urdhri ekzekutiv.
Trump deklaroi se përjashtimi nga zbatimi i tyre është, në këtë moment, “në interesin kombëtar të Shteteve të Bashkuara të Amerikës”.
Në mesin e shtatorit, Trump nënshkroi ligjin pasi ai u miratua nga Kongresi me mbështetjen e të dyja partive kryesore.
Masat synonin të shtonin presionin ndaj Rusisë për shkak të luftës kundër Ukrainës.
Sipas ligjit, tarifat dhe sanksionet do të hynin automatikisht në fuqi 30 ditë pas nënshkrimit, përveç rastit kur presidenti vendoste ndryshe.
Ky vendim vjen pak ditë pasi Trump njoftoi një marrëveshje për blerjen e naftës diezel ruse, pavarësisht sanksioneve ekzistuese.
Ndërkohë, ai ka shtuar presionin ndaj Ukrainës dhe presidentit të saj, Volodymyr Zelensky.
Trump deklaroi se Rusia do të vinte menjëherë në dispozicion të SHBA-së dhe tregjeve globale më shumë se 300 mijë tonë naftë diezel.
Për të mundësuar dërgesat, sanksionet ekzistuese do të pezulloheshin.
Presidenti amerikan shpreson se marrëveshja do të ndihmojë në uljen e çmimeve të karburanteve, të cilat janë rritur ndjeshëm muajt e fundit për shkak të luftës në Iran.
Kjo pritet të ketë rëndësi përpara zgjedhjeve të mesmandatit në SHBA, që do të mbahen pas pak më shumë se dy javësh.
