Moti i paqëndrueshëm ka përfshirë gjatë orëve të fundit qarkun e Elbasanit, ku reshje të dendura shiu, breshër dh...
AKTUALITET
'Nëse një produkt është i shtrenjtë, mos e blini''/ Denar Biba reagon sërish: Disave nuk ju pëlqen, unë nuk e kam problem
PiranjatPërditësimi i fundit 20 Mars 2026, 17:37
Një deklaratë aspak e zakonshme e kreut të Autoritetit të Konkurencës, Denar Biba në Komisionin për Ekonominë, Punësimin dhe Financat me 11 mars 2026, ka ngjallur mjaft polemika të forta dhe reagime të shumta në rrjet.
Kjo për faktin se personi përgjegjës për konkurrencën, monopolin edhe çmimet e tregut, shprehet se: ‘'Nëse një konsumator shqiptar nuk mund të përballojë çmimin e lartë të një produkti ushqimor, sugjerimi i tij është të mos e konsumojë këtë produkt’'.
Por kreu i Autoritetit të Konkurencës e ka vazhduar më tej këtë polemikë, këtë herë duke u marrë me mediat, pasi në një reagim të ditës së sotme shkruan se fakti që ‘’disave’’ nuk u ka pëlqyer kjo gjë, për të nuk përbën asnjë problem.
Qetësia olimpike prej drejtuesi në fakt bie ndesh me rolin që ka Denar Biba.
Strategjia e propozuar ishte konkretisht për produktin e djathit Parmigiano, ku sipas zotit Biba, qytetarët në vend të tij mund të konsumojnë djathin e bardhë, pasi sipas tij ka çmim më të përballueshëm dhe është produkt vendas.
Në fakt jo domosdoshmërisht djathi i bardhë në treg është produkt vendor, pasi ekzistojnë lloje të ndryshme të tij të importuara nga jashtë. Por në këtë rast Kreu i Autoritetit të Konkurencës nuk e cilësoi çfarë djathi të bardhë të konsumojnë qytetarët, si formë alternative dhe më e përballueshme sipas tij./Piranjat News
