Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
BOTA
Një kishë në Londër përfshihet nga flakët gjatë natës
PiranjatPërditësimi i fundit 23 Shkurt 2026, 08:42
Një kishë është shkatërruar pjesërisht pasi një zjarr i madh shpërtheu gjatë natës.
Rreth 70 zjarrfikës u angazhuan mbrëmjen e djeshme në Kishën “King’s Hall” në Southall, Londër, për të shuar flakët e forta.
Dhjetëra persona telefonuan shërbimin zjarrfikës për të dhënë alarmin, pasi vendi i kultit u përfshi nga flakët.
Në vendngjarje mbërritën dhjetë automjete zjarrfikëse, të cilat u përpoqën të shuajnë zjarrin deri vonë natën.
Sipas Zjarrfikësve të Londrës (LFB), zjarrfikësit përdorën dy shkallë rrotulluese me gjatësi 32 metra për të shuar flakët nga lart.
Ata njoftuan se zjarri ishte vënë nën kontroll, por ekipet qëndruan në vendngjarje deri në orët e para të mëngjesit për ta shuar plotësisht.
Fotografitë nga skena dramatike tregojnë flakë të mëdha që depërtonin përmes çatisë së ndërtesës.
E gjithë struktura duket se ishte përfshirë nga zjarri i fuqishëm, i cili la një pjesë të kishës të djegur dhe të shkatërruar.
Tym i dendur u ngrit në qiell, ndërsa zjarrfikësit përdorën shkallë për të ndërhyrë nga lart.
Banorët e zonës u paralajmëruan të mbanin të mbyllura dritaret dhe dyert.
Sipas LFB-së, një pjesë e katit përdhes, katit të dytë dhe çatisë së ndërtesës ishte përfshirë nga flakët. Qytetarëve iu kërkua të shmangnin zonën derisa situata të vihej nën kontroll.
Shkaku i zjarrit ende nuk dihet dhe hetimet janë në zhvillim.
Në një përditësim të dhënë në orët e para të mëngjesit, LFB deklaroi:
“Zjarri në South Road, në Southall, tani është nën kontroll. Ekipet do të qëndrojnë në vendngjarje deri në mëngjes për ta shuar plotësisht.
South Road mbetet e mbyllur në të dy drejtimet, ju lutemi vazhdoni ta shmangni zonën.
Shkakqet e zjarrit ende nuk dihen dhe për këtë kanë nisur hetimet"./Përtheu Piranjat News
