Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet për një tjetër grup të ...
BOTA
Papa Leo citon Nënë Terezën: Shkatërruesi më i madh i paqes është aborti
PiranjatPërditësimi i fundit 31 Janar 2026, 16:27
"Paqja është para së gjithash një dhuratë", "për këtë qëllim ju ftoj të reflektoni mbi faktin se nuk do të ketë paqe pa i dhënë fund luftës që njerëzimi bën me veten kur i hedh poshtë të dobëtit, kur përjashton të varfrit, kur mbetet indiferent ndaj refugjatëve dhe të shtypurve.
Vetëm ata që kujdesen për më të vegjlit mund të arrijnë gjëra vërtet të mëdha. Nënë Tereza e Kalkutës, shenjtore e më të vegjlit dhe fituese e Çmimit Nobel për Paqen, deklaroi në këtë drejtim se shkatërruesi më i madh i paqes është aborti ", tha Papa Leo në audiencën e tij me pjesëmarrësit e konferencës "Një Njerëzim, Një Planet".
"Zëri i saj mbetet profetik: asnjë politikë, në fakt, nuk mund t'u shërbejë njerëzve nëse përjashton nga jeta ata që janë gati të vijnë në botë, nëse nuk i ndihmon ata që janë në varfëri materiale dhe shpirtërore".
Përfaqësuesve të qendrave të Lëvizjes Focolare për Unitet Politik, të pranishëm në konferencë, Papa u kujtoi se janë të bashkuar "në angazhimin politik në ndjekje të së mirës së përbashkët" dhe se "kombet, kulturat dhe fetë e ndryshme, të cilave u përkisni, nuk janë burim rivaliteti për ju, por përkundrazi i bashkëpunimit dhe rritjes në mënyrë sinodale".
Papa më pas falënderoi të rinjtë e angazhuar në aktivitetet politike dhe shoqërore të vendeve të tyre, pasi këto janë fusha thelbësore që meritojnë më të mirën e energjive të tyre, "sidomos në kohë të pllakosura nga padrejtësia, dhuna dhe lufta", tha Prevost, duke theksuar "funksionin shoqëror të pazëvendësueshëm" të politikës.
Pikërisht për këtë arsye, udhëheqësit e rinj duhet "të bashkëpunojnë gjithnjë e më shumë në studimin e formave pjesëmarrëse që përfshijnë të gjithë qytetarët, burra dhe gra, në jetën institucionale të shteteve".
