Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
Pasaportat më të fuqishme për vitin 2026, tri vende nga Ballkani në top 10
PiranjatPërditësimi i fundit 14 Janar 2026, 08:23
Kur bëhet fjalë për udhëtimin nga një vend në tjetrin pa kufizime dhe për të kaluar më shpejt në kontrollet kufitare, ekziston një grup elitar pasaportash që kanë më shumë fuqi se të tjerat.
Sipas raportit më të fundit të Henley Passport Index, tri pasaportat kryesore i përkasin vendeve aziatike: Singapori në vendin e parë, ndërsa Japonia dhe Korea e Jugut ndajnë së bashku vendin e dytë.
Qytetarët e Singaporit gëzojnë akses pa vizë në 192 nga 227 vende dhe territore të ndjekura nga indeksi, i krijuar nga firma londineze Henley & Partners, e cila përdor të dhëna ekskluzive nga Shoqata Ndërkombëtare e Transportit Ajror.
Japonia dhe Korea e Jugut janë menjëherë pas, me akses pa vizë në 188 destinacione.
Pesë vende europiane ndajnë vendin e tretë: Danimarka, Luksemburgu, Spanja, Suedia dhe Zvicra, secila me akses pa vizë në 186 vende.
Tri vende nga Ballkani është në listën e 10 pasaportave më të forta në botë për vitin 2026. Bëhet fjalë për Greqinë, Kroacinë dhe Slloveninë.
Në vendin e katërt renditen dhjetë vende europiane: Austria, Belgjika, Finlanda, Franca, Gjermania, Greqia, Irlanda, Italia, Holanda dhe Norvegjia, me një rezultat prej 185.
Vendi i pestë mbahet nga Hungaria, Portugalia, Sllovakia, Sllovenia dhe Emiratet e Bashkuara Arabe, me 184 destinacione.
Rritja e Emirateve të Bashkuara Arabe
EBA është vendi me performancën më të fortë në historinë 20-vjeçare të indeksit, duke shtuar 149 destinacione pa vizë që nga viti 2006 dhe duke u ngjitur me 57 vende në renditje. Raporti thotë se kjo është rezultat i “angazhimit diplomatik të qëndrueshëm dhe liberalizimit të vizave.”
Në vendin e gjashtë janë: Kroacia, Republika Çeke, Estonia, Malta, Zelanda e Re dhe Polonia.
Australia mban vendin e shtatë, së bashku me Letoninë, Lihtenshtajnin dhe Mbretërinë e Bashkuar.
Mbretëria e Bashkuar ka pësuar humbjen më të madhe vjetore në indeks, duke rënë në 182 destinacione pa vizë, tetë më pak se një vit më parë.
Në vendin e tetë janë Kanadaja, Islanda dhe Lituania (me 181 destinacione), ndërsa Malajzia renditet e nënta (me 180).
Shtetet e Bashkuara janë rikthyer në vendin e dhjetë me një rezultat prej 179, pas një rënieje të përkohshme në fund të vitit 2025. Megjithatë, ky nuk është rikuperim i plotë, pasi në listë ka 37 vende që i tejkalojnë SHBA-të, një më shumë se vitin e kaluar.
SHBA-të kanë humbur akses pa vizë në 7 destinacione gjatë 12 muajve të fundit dhe ka pësuar rënien e tretë më të madhe në renditje në dy dekadat e fundit, duke rënë nga vendi i katërt që ishte më parë në të dhjetin.
Në anën tjetër të listës, Shqipëria dhe Kosova mbeten pas krahasuar me vendet e tjera të rajonit. Shqipëria renditet në vendin e 43 me 121 destinacione, ndërsa Kosova në vendin e 59 me 81 destinacione.
“Fuqia e pasaportës reflekton stabilitetin politik, besueshmërinë diplomatike dhe aftësinë për të formësuar rregullat ndërkombëtare,” tha gazetari Misha Glenny në raportin e Henley & Partners.
Në fund të indeksit, Afganistani mbetet në vendin e 101-të, me akses pa vizë vetëm në 24 destinacione. Siria është në vendin e 100-të (26 destinacione) dhe Iraku në vendin e 99-të (29 destinacione). Diferenca mes pasaportës më të fuqishme dhe asaj më të dobët është 168 destinacione.
Christian H. Kaelin, kryetar i Henley & Partners, tha: “Privilegji i pasaportës luan një rol vendimtar në formësimin e mundësive, sigurisë dhe pjesëmarrjes ekonomike. Përfitimet e mobilitetit global janë shpërndarë në mënyrë të pabarabartë, duke u përqendruar gjithnjë e më shumë tek vendet më të fuqishme ekonomikisht dhe politikisht më të qëndrueshme.”
Henley & Partners ndihmon individë me pasuri të lartë të marrin shtetësi të dyfishtë në mbarë botën. Në vitin 2025, kompania raportoi se kishte ndihmuar klientë nga 91 kombësi, ku amerikanët përbënin 30% të biznesit.
Megjithatë, disa vende evropiane kanë ashpërsuar kushtet për shtetësinë me prejardhje dhe për programet e “pasaportës së artë”, që japin shtetësi në këmbim të investimeve financiare ose pronësore. Në SHBA, senatori republikan Bernie Moreno ka propozuar një ligj që i ndalon amerikanët të kenë shtetësi të dyfishtë.
Renditja e pasaportave më të fuqishme për vitin 2026 (sipas Henley Passport Index)
