Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
BOTA
Qeveria greke takohet me fermerët protestues ndërsa të tjerë bllokojnë kufijtë: Marrëveshja e BE 'gur varri'
PiranjatPërditësimi i fundit 13 Janar 2026, 22:45
Kryeministri grek Kyriakos Mitsotakis zhvilloi të martën bisedime me disa përfaqësues të fermerëve për herë të parë pas disa javësh protestash për vonesat e ndihmës bujqësore dhe një marrëveshje tregtare BE-Mercosur.
“Që nga momenti i parë, qeveria ka treguar shumë tolerancë ndaj protestave të fermerëve, duke njohur problemet e mëdha dhe për këtë arsye iu përgjigj shumë prej kërkesave të tyre”, tha ai pasi u takua me një delegacion prej 21 anëtarësh të fermerëve që ranë dakord ta takonin në Athinë.
Megjithatë, shumë fermerë të tjerë refuzuan të merrnin pjesë në bisedime. Qeveria e qendrës së djathtë e Mitsotakis, nën kritika për shkak të një skandali korrupsioni në ndihmën bujqësore, u ofroi fermerëve ulje shtesë në taksën e karburantit, koston e energjisë elektrike dhe kompensime për blegtorët në një përpjekje për të zbutur tensionet pasi fermerët bllokuan autostradat kryesore dhe pikat kufitare për javë të tëra, duke ndërprerë udhëtimet dhe duke goditur disa biznese.
Zyrtarët qeveritarë kanë thënë se bisedimet synojnë t'u ofrojnë zgjidhje rreth 600,000 fermerëve, blegtorëve, peshkatarëve dhe bletarëve. Megjithatë, ai shtoi se pas 45 ditësh protestash, bllokadat e rrugëve dhe kufijve nuk mund të tolerohen.
Ndërsa takimi zhvillohej, fermerët që refuzuan të merrnin pjesë në takim kryen bllokada rrugore dhe kufitare në shenjë proteste, duke thënë se delegacioni nuk i mbuloi të gjithë sektorët bujqësorë dhe se qeveria nuk ishte e sinqertë në trajtimin e problemeve të fermerëve.
“Nuk mund t’i zgjidhim problemet e sektorit bujqësor brenda një ore, kjo është një fyerje për fermerët”, tha përfaqësuesi i fermerëve, Stergios Likoulis, nga një bllokadë në pikën kufitare Greqi-Bullgari, e cila bllokoi kamionët e transportit që përpiqeshin të kalonin kufirin me mallra.
Likoulis tha se një nga problemet kryesore përveç kostove të prodhimit dhe vonesave të pagesave të BE-së ishte marrëveshja tregtare e Mercosur, të cilën ai e quajti "gurvarri i sektorit bujqësor".
Analisti i Atlantic Council dhe ish-zyrtari i inteligjencës ushtarake izraelite shpjegon pse regjimi iranian duket i stabilizuar, pse nuk ka të ngjar&...
