Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
Për të frenuar përdorimin e mediave sociale për fëmijët nën 15 vjeç, Greqia planifikon të krijojë një ‘’portofol’’
ZH.LLPërditësimi i fundit 13 Dhjetor 2024, 07:52
Foto ilustruese
GREQI- Greqia po shqyrton frenimin e përdorimit të mediave sociale për fëmijët nën 15 vjeç me një “portofol për fëmijë”.
Sofia Zacharaki, Ministre e Kohezionit Social dhe Familjes në Greqi tha të mërkurën se masa është për të mbrojtur fëmijët nga rreziqet e internetit të pambikëqyrur dhe mediave sociale, ndërsa ajo tërhoqi vëmendjen për shqetësimet për varësinë dixhitale dhe izolimin e shkaktuar nga mediat sociale.
Portofoli do t’i lejojë prindërit të bllokojnë uebsajte specifike duke përdorur fjalë kyçe dhe të monitorojnë trafikun në internet të fëmijëve të tyre.
Sipas ministres, ndalimi tërësisht i mediave sociale është jorealist, por rritja e mbikëqyrjes është thelbësore pasi fëmijët shpesh tërhiqen në botët virtuale, të cilat i ekspozojnë ata ndaj rreziqeve të mëdha, duke përfshirë depresionin dhe shkëputjen nga realiteti, tha Zacharaki.
“Prindërit shprehin shqetësime serioze, por ngurrojnë të kufizojnë socializimin e fëmijëve të tyre nëpërmjet teknologjisë. Ekziston një vijë e hollë midis garantimit të sigurisë dhe lejimit të lirisë. Teknologjia mund të jetë edhe kërcënim edhe mjet për t’u mbrojtur nga keqpërdorimi,” tha ajo.
