Përmbytjet dhe shpërthimi i vullkanit në Indonezi, humbin jetën 41 persona, zhduken 17 të tjerë

Përmbytjet

INDONEZI-  Ekipet e shpëtimit gjetën më shumë trupa të hënën pas përmbytjeve në ishullin Sumatra të Indonezisë. Mësohet se përshkak të situatës në vend janë gjetur 41 njerëz të vdekur ndërsa 17 të tjerë raportohen të zhdukur.

Shirat e dendur, së bashku me një rrëshqitje balte dhe llavë nga mali Marapi, bënë që situata në vend të dilte nga kontrolli. Përmbytja shpërtheu nëpër fshatrat e maleve përgjatë katër rretheve në provincën e Sumatrës Perëndimore pak para mesnatës së së shtunës. Përmbytjet rrëmbyen njerëzit dhe zhytën rreth 200 shtëpi dhe ndërtesa.

Lava e ftohtë, e njohur edhe si lahar, është një përzierje e materialit vullkanik dhe guralecave që rrjedhin poshtë shpateve të një vullkani në shi. Ekipet e shpëtimit gjetën më shumë trupa të hënën, kryesisht nga fshatrat që u goditën më keq në rrethet Agam dhe Tanah Datar, duke e çuar numrin e të vdekurve në 41.

Fatkeqësia erdhi vetëm dy muaj pasi shirat e dendur shkaktuan përmbytje të shpejta dhe një rrëshqitje dheu në Sumatrën Perëndimore, duke vrarë të paktën 26 njerëz dhe duke lënë 11 të tjerë të zhdukur.

indonezi viktima permbytje