Protestat masive kundër qeverisë në Serbi, studentët kandidatë për Çmimin Nobel për Paqen

SERBIA- Shkrimtari dhe dramaturgu serb Sinisha Kovaçeviç së bashku me avokaten Dijana Stojkoviç propozuan te studentët serbë disa kandidatura për çmimin Nobel për Paqe. Sinisha Kovaçeviç ka shkruar në rrjetin e tij social platformën "X" se ky propozim është pranuar dhe studentët janë zyrtarisht kandidatë për çmimin Nobel për Paqen.

"Studentët nga Serbia janë zyrtarisht kandidatë për Çmimin Nobel për Paqen", shkroi Kovaçeviç. 

Studentët që bllokuan punën e më shumë se 60 fakulteteve për më shumë se dy muaj, kanë kërkuar përgjegjësi penale dhe politike për 15 vdekjet e shkaktuara nga incidenti në Novi Sad. Përfaqësuesit qeveritarë më herët patën thënë se të gjitha kërkesat e studentëve janë plotësuar.

Akademikët, në anën tjetër, kanë thënë se kërkesat e tyre janë plotësuar pjesërisht dhe që pezullimi i punës do të vazhdojë deri në njoftimin e radhës. Më shumë se 5.000 pedagogë në Serbi kanë mbështetur bllokadën e studentëve. Përmes një peticioni ata dënuan tentativat e qeverisë për t’i frikësuar studentët duke i bërë publike të dhënat e tyre personale, apo edhe duke dërguar agjentë të agjencive qeveritare në shtëpitë e tyre apo të prindërve të tyre.

serbia