Një aksident me tre automjete është regjistruar në Lushnjë, në rrugën që të çon drejt stadiumit, pranë...
BOTA
Reuters: Vajza e mitur e Kim Jong Un po trajnohet për t'u bërë liderja e ardhshme e Koresë e Veriut
r.llPërditësimi i fundit 29 Korrik 2024, 14:20
kim jong un dhe vajza
SEUL- Vajza e liderit të Koresë së Veriut Kim Jong Un është duke u trajnuar për t’u bërë liderja e ardhshme dhe pasuesja e të atit, raporton Reuters.
Mediat koreano-veriore publikuan raporte mbi aktivitetet publike të Ju Ae, por nuk përmendën të ardhmen e saj politike. Mundësia që Ju Ae të zëvendësojë babain e tij, duke cituar burime të inteligjencës së Koresë së Jugut, u përmend gjithashtu në fillim të vitit.
Vajza, e cila besohet se ka lindur në vitin 2013, doli në qendër të vëmendjes në fund të vitit 2022 kur babai i saj e solli atë në vendin e lëshimit të një rakete balistike ndërkontinentale.
Fotoja e saj, e veshur me një pallto të bardhë dhe këpucë të kuqe, duke ecur dorë për dore me të atin pranë një rakete të madhe të ngarkuar në një kamion lëshues dhe duke parë armët, bëri xhiron e botës.
Që atëherë, aktivitetet e saj publike janë përqendruar në ngjarjet ushtarake dhe mediat shtetërore të Koresë së Veriut kanë filluar t’i referohen asaj si vajza “e respektuar” e Kim, në vend të vajzës së tij më parë “të dashur” ose “më të dashur”, duke nxitur spekulimet se ajo është duke u kujdesur të jetë pasardhësja e tij.
