Rrëzimi i avionit në Iran/ Përcillet sot për në banesën e fundit presidenti Raisi, iranianët të ndarë në grupe, disa në zi ndërsa disa në festë

Raisi

IRAN- Pas konfirmimit të vdekjes së presidenit të Iranit, Ibrahim Raisi vendi dhe bota është ndarë në dy grupe ku njëri palë vajton në zi dhe ana tjëtër nuk e fsheh gëzimin për fundin e ish-prokurorit përgjegjës për mijëra ekzekutime. Madje gëzimi shkoi edhe në hedhjen e fishekjarreve në Teheran mbrëmë. 

Ndërkohë sot do të mbahet ceremoninë e varrimit të Raisit, e cila pritet të jetë madhështore dhe të marrin pjesë mijëra njerëz. Rrjetet sociale u “vërshuan” me komente ironike dhe foto të Raisit pranë fotove të të burgosurve politikë të varur – në fund të fundit, Raisi ishte përgjegjës për ekzekutimet e tyre në vitet '80.

Madje shumë kujtuan se pseudonimi i Raisit ishte "kasapi i Teheranit" dhe thanë me sarkazëm se regjimit mund t'i duhej të ndryshonte vendimin e tij për zinë kombëtare dhe ta kthente atë në një shtetrrethim tre-ditor për të fshehur gëzimin dhe festimet.

Videot e iranianëve që ndezin fishekzjarrë në lajmin e vdekjes së Raishi, ose kërcejnë me flamujt iranianë jashtë ambasadave të vendeve të tyre jashtë vendit, kanë zemëruar besnikët e regjimit. Kërcënimet dhe ofendimet po hidhen, ndërsa zyrtarët e drejtësisë në vend e bënë të qartë dje se ata që marrin pjesë në festime do të ndiqen penalisht.

iran ibrahim raisi