SHBA shqyrton përjashtimet nga pauza e ndihmës për Ukrainën, Yuri Kim përpilon listën e programeve nga zyrat në të gjithë vendin

SHBA- Zyrtarë të lartë në Departamentin e Shtetit po bëjnë një listë të përjashtimeve nga pauza e ndihmës për Ukrainën që mund t'i japë vendit akses në disa asistenca ekonomike të lidhura me sigurinë. Bëhet me dije se përpjekjet për të zgjeruar aksesin e Ukrainës në ndihmë nënkuptojnë mosmarrëveshjet brenda administratës Trump mbi mënyrën se si të "komunikojë" me Kievin.

Ndërkohë, sipas mediave të huaja, procesi mund të pasqyrojë gjendjen e pasigurt të protokollit. Gjithashtu bëhet me dije se Zëvendës ndihmës sekretarja kryesore e Shtetit për Evropën dhe Euroazinë, Yuri Kim po përpilon një listë të programeve të lidhura me Ukrainën nga zyrat në të gjithë shtetin ndërsa mbetet e paqartë se çfarë roli po luan Pete Marocco, kreu i zyrës së ndihmës së jashtme të shtetit, në këtë proces. Marocco është një aleat i Trump dhe skeptik për ndihmën e huaj, i cili ka marrë një rol udhëheqës në çmontimin e USAID-it.

Udhëheqësit evropianë do të mblidhen në Londër më 2 mars për të diskutuar iniciativat e përbashkëta të mbrojtjes, ndërsa retorika luftarake e Trump ndaj Kievit rritet. Sipas liderit polak Donald Tusk, mbledhja në Londër do t'i paraprijë zbulimit të një pakete të mbrojtjes, në samitin special të liderëve të Bashkimit Evropian të planifikuar për në 6 mars.

yuri kim