Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
“SHBA-të gati të sulmojë Venezuelën, por Trump ngurron”, prapaskenat e konfliktit SHBA-Maduro
PiranjatPërditësimi i fundit 1 Nëntor 2025, 09:02
Tensionet po rriten në Detin e Karaibeve. Ajo që filloi si një luftë e SHBA-së kundër trafikantëve të drogës nga Venezuela mund të shndërrohet në një front tjetër në një konflikt global, me Karakasin që thuhet se tashmë po kërkon ndihmë nga Rusia, Kina dhe Irani përballë kërcënimit të SHBA-së.
Pas javësh sulmesh të Pentagonit ndaj anijeve të dyshuara për drogë pranë brigjeve të Venezuelës dhe Kolumbisë, të cilat kanë rezultuar në vdekjen e të paktën 62 personave (bastisje të përshkruara si “të papranueshme” nga OKB-ja), Uashingtoni thuhet se tani po shqyrton një përshkallëzim me sulme të synuara ndaj objekteve ushtarake në vend të udhëhequr nga Nicolas Maduro.
Sipas Wall Street Journal, objektivat janë identifikuar tashmë, por nuk është marrë ende një vendim përfundimtar. Objektivat e mundshëm përfshijnë portet dhe aeroportet e kontrolluara nga ushtria që përdoren për transportin e drogës, si dhe objektet detare.
“Presidenti ka qenë i qartë në mesazhin e tij drejtuar Maduros: ndaloni së dërguari drogë dhe kriminelë në vendin tonë. Presidenti është i përgatitur të përdorë çdo mjet në dispozicion për të parandaluar që droga të pushtojë vendin tonë”, tha zëdhënësja e Shtëpisë së Bardhë, Anna Kelly.
