Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
BOTA
Shefi i spiunazhit të Ukrainës: Janë bërë disa përpjekje për të vrarë Putin
E.DPërditësimi i fundit 15 Korrik 2024, 15:15
RUSI- Shefi i shërbimit të inteligjencës ushtarake të Ukrainës, Kyrylo Budanov ka thënë se ka pasur disa përpjekje për të vrarë presidentin rus Vladimir Putin.
“Por siç mund ta shihni, ato ishin të pasuksesshme”, tha ai.
Gjenerali nuk tha se në çfarë bazohej pretendimi i tij. Ai gjithashtu nuk tha nëse shërbimet e tij apo të tjera të inteligjencës ukrainase mund të ishin përfshirë në planet për vrasjen e presidentit rus. Megjithatë, Budanov ka bërë komente provokuese në të kaluarën, si formë e luftës psikologjike.
Ndërkohë Kremlini është përgjigjur, me zëdhënësin Dmitry Peskov duke bërë të qartë se siguria e presidentit do të mbrohet. Budanov tha më tej se Putini nuk ishte më një figurë kompromisi e pranuar nga e gjithë elita ruse, por, për shkak se ai ka qenë në pushtet për më shumë se 20 vjet, rusët kanë frikë se mos e humbin atë. Sipas tij, kur Putini të vdes, ai imagjinon se përgjigja do të ishte e ngjashme me vdekjen e diktatorit sovjetik Josef Stalin në vitin 1953.
"Për njerëzit në Bashkimin Sovjetik në atë kohë, e gjithë bota e tyre u shemb, ata nuk dinin të vazhdonin të jetonin“, tha Budanov.
Sidoqoftë, dihet pak për tentativat për sulme ndaj Putinit gjatë kohës së tij të gjatë në pushtet.Një tentativë për vrasje nga burra nga Kaukazi dështoi në maj 2022, menjëherë pasi Putini urdhëroi nisjen e pushtimit në shkallë të plotë të Ukrainës, tha Budanov. Por, nuk ka asnjë provë për këtë.
