Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Shkurtimet e sigurimeve shëndetësore/ Senatorja republikane, Joni Ernst ngjall reagime të shumta gjatë një takimi në Iowa: Të gjithë do të vdesim një ditë kështu që... (VIDEO)
n.fPërditësimi i fundit 31 Maj 2025, 08:38
SHBA- Senatorja republikane, Joni Ernst ka ngjallur reagime të shumta në një deklaratë të saj teksa mbrojti shkurtimet e Trump në programin e sigurimeve Medicaid. Në një takim të premten në shtetin e saj të lindjes, Iowa, Ernst u pyet në lidhje me shkurtimet e përfshira në projektligjin e buxhetit të Dhomës së Përfaqësuesve.
Një i pranishëm në takim i tha asaj se shkurtimet do të çojnë në vdekje. Përgjigjia e saj ngjalli reagimet teksa ajo u shpreh se të gjithë do të vdesim një ditë.
"Epo, të gjithë do të vdesim, kështu që për hir të Zotit, djema," tha ajo.
Komenti shkaktoi mosmiratim të fortë. Debati filloi me një pjesëmarrës që iu ankua Ernst se projektligji do t'u jepte lehtësime të konsiderueshme tatimore super të pasurve, ndërsa do të përjashtonte disa njerëz nga programet e Medicaid dhe të ndihmës ushqimore. Ernst tha se të vetmit njerëz në rrezik të përjashtohen janë ata që nuk duhet të jenë në Medicaid që në fillim.
"Ata aktualisht nuk janë të kualifikuar sipas përkufizimit origjinal të Medicaid dhe do të hiqen nga listat e Medicaid, duke u lejuar përsëri atyre që janë vërtet të kualifikuar për Medicaid të qëndrojnë", tha ajo.
Ajo pretendoi se 1.4 milion emigrantë pa dokumente marrin përfitime nga Medicaid. Numri është cituar nga Shtëpia e Bardhë, por nuk konsiderohet i saktë. Pasi Ernst tha se të gjithë do të vdesim, ajo iu ankua audiencës: "Ajo që nuk doni të bëni është të më dëgjoni kur them se do të përqendrohemi te ata që janë më të prekshëm."
