Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Shpërthen një tubacion gazi natyror në Malajzi, zjarri pushton vendin, plagosen 145 persona
n.fPërditësimi i fundit 1 Prill 2025, 21:00
MALAJZI- Një zjarr masiv shpërtheu pasi një tubacion gazi natyror shpërtheu jashtë qytetit më të madh të Malajzisë të martën, duke plagosur më shumë se 140 njerëz. Kompania kombëtare e naftës Petronas tha se zjarri filloi në një nga tubacionet e saj të gazit natyror jashtë Kuala Lumpur.
Ministri i Shëndetësisë Dzulkefly Ahmad tha se 145 persona, përfshirë tre fëmijë, u plagosën. Në të njëjtën kohë, ai deklaroi se 67 persona janë ende duke u trajtuar në spitalet publike, kryesisht me djegie të shkallës së dytë dhe të tretë, ndërsa 37 të tjerë janë drejtuar në klinika dhe spitale private.
Zjarrfikësja njoftoi se zjarri ka shkaktuar dëme në 190 banesa dhe 148 automjete. Banorët thanë se ndjenë lëkundjen e fortë, si dhe shtëpitë e tyre duke u dridhur. Hetimet për shkaqet e zjarrit janë duke vazhduar, ndërsa autoritetet deklaruan se banesat që ndodhen në 290 metra nga vendi i ngjarjes do të duhet të evakuohen.
“Ka shumë dëme në zonat e banuara”, tha kryeministri Anwar Ibrahim, i cili vizitoi zonat e prekura dhe paralajmëroi ndihmë financiare për viktimat. Ai po ashtu deklaroi se qeveria dhe kompania do të jenë përgjegjëse për riparimin e shtëpive të dëmtuara, gjë që pritet të zgjasë me muaj.
