Shtëpia e Bardhë del kundër urdhrit të gjykatës, bllokon sërish Associated Press për të qenë e pranishme në konferencat për shtyp të Trump

SHBA- Associated Press (AP) është ndaluar edhe një herë nga Zyra Ovale, në kundërshtim me një urdhër të gjykatës drejtuar Shtëpisë së Bardhë për të hequr kufizimet që ka vendosur ndaj agjencisë amerikane të lajmeve.

Javën e kaluar, një gjykatës federal urdhëroi Shtëpinë e Bardhë të heqë kufizimet që kishte vendosur ndaj AP, e cila është ndaluar nga konferencat e shtypit dhe ngjarjet e ndryshme ku mori pjesë presidenti amerikan pasi agjencia e lajmeve vendosi të mos ndryshojë mënyrën se si raporton për Gjirin e Meksikës. AP kishte apeluar kundër vendimit për t'iu mohuar aksesin tre zyrtarëve qeveritarë.

Gjykata federale urdhëroi Shtëpinë e Bardhë t'i jepte AP akses në Zyrën Ovale, Air Force One dhe vende dhe ngjarje të tjera sa herë që ato janë të hapura për gazetarët. Administrata Trump apeloi vendimin e gjykatës. Sipas agjencisë së lajmeve, të hënën, dy gazetarëve të AP-së iu mohua aksesi në konferencën për shtyp të dhënë nga Presidenti i SHBA Donald Trump dhe homologu i tij El Salvadoran Nayib Bukele.

"Ne presim që Shtëpia e Bardhë të rivendosë pjesëmarrjen e AP në konferencat e përditshme të shtypit të Shtëpisë së Bardhë që nga sot, siç parashikohet nga urdhri i gjykatës," tha dje zëdhënësja e AP Lauren Easton. Shtëpia e Bardhë nuk ka komentuar deri më tani.