Gjyqtarët e Republikës kërkojnë zbatimin e menjëhershëm të vendimit të Gjykatës Kushtetuese për pagat e magj...
BOTA
Skandal në Romë/ Karabinierë të përfshirë në vjedhje dyqanesh, zbulohet skema!
PiranjatPërditësimi i fundit 24 Shkurt 2026, 14:58
Romë- Stacioni Termini është shndërruar në një terren “gjuetie” për karabinierë dhe policët italianë.
Janë njëzet e një ushtarakë dhe efektivë të policisë nën hetim për vjedhje nga prokurori Stefano Opilio.
Në total personat nën hetim janë 44, sepse midis tyre janë edhe punonjës të dyqaneve të afërta. Shifrat e vjedhjeve kanë arritur në 184 mijë euro.
Një boshllëk që përbën 10,8% të xhiros, kur mungesat normale në magazina të tjera janë rreth 2–3% të mallrave që humbasin çdo vit nga raftet.
Vjedhjet u zbuluan përmes kamerave të një kompanie private Këto të dhëna kanë detyruar vendosjen e kamerave kudo për të hetuar prejardhjen e humbjeve.
Një kompani private investigative mori përsipër hetimin.
Ata zbuluan skemën, e cila funksiononte kështu: Një kasjere në Coin, zemra e vërtetë e sistemit, lidhte mallit. Ajo i fsheh mallrat në një dollap pranë vendit ku punonte. Më pas hiqte etiketat antivjedhje dhe i vendoste në qese.
Sapo shfaqeshin karabinierët, qeset u jepeshin atyre.
Brenda ishin sende të çdo lloji: çanta, kapele, xhaketa, nëntëkëmisha, kozmetikë dhe parfume.
Lista e të dyshuarve nga forcat e ligjit Ja lista e të dyshuarve për sa i përket forcave të rendit:
Policia – nëntë persona:
një drejtues i lartë i Polfer-it, dy komisarë, një inspektor, një ndihmës kryesor, një nënoficer, një ndihmës kryesor koordinator, një krye-nënoficer, një agjent.
Karabinierët – dymbëdhjetë persona:
mes tyre një brigadier, disa nën-brigadierë, dhe nënoficerë të punësuar në stacion. Në të gjitha rastet nuk bëhej fjalë për vjedhje spektakolare, sepse mjeshtëria e të dyshuarve ishte ndërtimi i një mekanizmi që të mos binte në sy, por që të sigurojë grabitje të vazhdueshme. Mjaftueshëm “të vogla” për t’u fshehur lehtë, por që në fund çuan në një humbje prej qindra mijëra eurosh.
Kujdes: Hetimi nuk është i kufizuar vetëm te policët dhe karabinierët. Ekzistojnë edhe njëzet të tjerë të dyshuar, punonjës të dyqaneve përreth, të gjithë kapur duke bërë “shopping” në Coin me të njëjtën metodë./Përktheu Piranjat News
