Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Stuhia ‘Bert’ godet Britaninë/ Stuhi ere, dëborë dhe shira të dendur, paralajmërime edhe për përmbytje
E.DPërditësimi i fundit 23 Nëntor 2024, 15:14
BRITANI E MADHE- Stuhia “Bert’ ka goditur Britaninë e Madhe, me borë, shi të dendur dhe erëra të forta. Gjithashtu autoritetet kanë dhënë 13 alarme për përmbytje në pjesën më të madhe të vendit. Po ashtu janë ndërprerë edhe fluturimet në aeroportin e Newcastle për shkak të borës së madhe. Të paktën 60,000 shtëpi, biznese dhe ferma kanë mbetur pa energji në Irlandë.
Kompanitë hekurudhore u kanë kërkuar pasagjerëve të shmangin udhëtimet në zona të caktuara dhe disa kanë paralajmëruar për ulje të shërbimeve. Autostrada Kombëtare lëshoi një “alarm për mot të rëndë” për borën që ka prekur Yorkshire dhe Anglinë verilindore midis orës 5 të mëngjesit dhe 3 pasdite të së shtunës.
Në të gjithë Anglinë jugperëndimore dhe Uells, Met Office ka dhënë një paralajmërim të verdhë për shi gjatë të shtunës. Sipas autoriteteve, shiu më i dendur pritet në Uellsin jugor dhe Anglinë jugperëndimore, ku mund të ketë deri në 150 mm që do të ishte i gjithë reshjet mesatare të nëntorit në vetëm një ditë.
Reshjet e pandërprera pritet të zgjasin për shumë orë, me përmbytje të mundshme gjatë të shtunës dhe të dielën. Gjithashtu janë prekur edhe kompanitë e trageteve. Operatori CalMac i cili shërben në bregun perëndimor të Skocisë ka anuluar disa shërbime të shtunën.
