Takimi me emigrantët shqiptarë në Greqi, reagon Rama: Shqipëria u shfaq sot me krenarinë për të hapur një kapitull të ri vëllazërimi dhe rendi europian e paqeje

Rama

TIRANË-Kryeministri, Edi Rama ka dalë më një reagim në lidhje me takimin e zhvilluar ditën e sotme me emigrantët shqiptarë në Athinë. Përmes një postimi në logarinë e tij në "Facebook" Rama ndau foto me këngëtaren Era Rusi dhe reperin Noizy të cilët përformuan gjatë takimit të sotëm. Në foto duket Rama i cili bashkë më këngëtarët kanë krijuar me duar shenjën ë shqiponjës dykrenare ndërsa falenderon shqiptarët për takimin e sotëm.

Rama më tej shkruan se shqiptarët të cilët ishin sot në stadium ishin e shfaqën sot Shqipërinë për të përhapur porosinë e e Naim Frashërit për një kapitull të ri vllazërimi. Ai më tej shtoi se Shqipëria dhe Greqia të bëjnë për popujt e tyre, atë që popujt e tyre kanë bërë për njëri-tjetrin përgjatë historisë. 

Reagimi i plotë:

FALEMINDERIT NGA ZEMRA. Para nisjes për Tiranë nga Athina, pas përjetimit në çdo qelizë të frymës së thellë të atdheut mes shqiptarëve të Greqisë dhe me ndjenjën më të hatashme të mirënjohjes, për të gjithë ata që u derdhën lumë drejt Stadiumit Galatsi, ku u bënë shembëlltyra e një zemre gjigande shqiptare, që rrahu anembanë vendit fqinj, duke e shfaqur sot Shqipërinë me të gjithë krenarinë legjitime të bijve e bijave të saj dhe me dëshirën e fortë për të hapur, sipas porosisë së Naimit tonë një kapitull të ri vëllazërimi, rendi europian e paqeje me prosperitet me Greqinë, ku realiteti i ri që ka krijuar afirmimi qytetar i shqiptarëve të Greqisë, si edhe realiteti i afirmuar i grekëve të Shqipërisë, na e ka vënë mu përpara syve ftesën e urtë për ta parë të shkuarën përmes të ardhmes, e jo më anasjelltas nëse duam, bashkarisht, që më në fund Shqipëria dhe Greqia të bëjnë për popujt e tyre, atë që popujt e tyre kanë bërë për njëri-tjetrin përgjatë historisë.  UNË DUA, SHQIPTARËT DUAN

edi rama ne athine