DashiKy është një rast kur dashuria mund të të bëjë të reagosh në mënyrë të tepruar. Çdo gj...
BOTA
Tarifat e Trump, SHBA-ja dhe Kina ulen në tryezën e negociatave këtë fundjavë në Gjenevë
n.fPërditësimi i fundit 7 Maj 2025, 10:05
SHBA- Kina dhe Shtetet e Bashkuara njoftuan se do të takohen fundjavën e ardhshme në Zvicër për të hedhur themelet për negociatat tregtare, për herë të parë që kur Donald Trump vendosi tarifa për mallrat kineze dhe Pekini iu përgjigj. Ministria kineze e Tregtisë paralajmëroi sot se Kina nuk do të sakrifikojë qëndrimin e saj parimor dhe do të mbrojë drejtësinë gjatë këtij takimi midis zëvendëskryeministrit të saj He Lifeng, Sekretarit të Thesarit të SHBA-së, Scott Besant dhe Përfaqësuesit të Tregtisë të SHBA-së, Jamieson Greer.
"Nëse Shtetet e Bashkuara duan ta zgjidhin problemin përmes negociatave, ato duhet të përballen me ndikimin serioz negativ mbi veten dhe botën nga tarifat e tyre të njëanshme", shtoi ai në një deklaratë.
Të dy palët do të takohen të shtunën dhe të dielën për të hedhur themelet për negociatat e ardhshme. Për të mbështetur një ekonomi të rënduar nga konsumi i ngadaltë dhe lufta tregtare me Shtetet e Bashkuara, Pekini njoftoi gjithashtu sot një ulje të normave të interesit, si dhe të sasisë së rezervave të detyrueshme të bankave për të lehtësuar kreditimin.
Pasi Donald Trump u rikthye në Shtëpinë e Bardhë në janar, administrata e tij vendosi tarifa të reja doganore me një total prej 145% për mallrat me origjinë nga Kina, të cilave u shtohen edhe masa sektoriale. Pekini u përgjigj duke vendosur tarifa prej 125% mbi importet amerikane në Kinë, si dhe masa më të synuara.
Këto nivele konsiderohen të padurueshme nga shumica e ekonomistëve, deri në atë pikë sa Shtetet e Bashkuara dhe Kina, si dhe vendet përtej tyre, kërcënohen nga recesioni dhe ndoshta nga një rritje e madhe e çmimeve. Negociatat e 10 dhe 11 majit do të jenë një angazhim i parë zyrtar publik nga dy ekonomitë më të mëdha në botë për të zgjidhur këtë luftë tregtare.
