Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
Një i mitur, 15 vjeç, i arerstuar nga policia në protestë, ka rrëfyer dhunën e ushtruar në komisariat dhe mbajtjen pë...
“O milet, Rama ka siklet”, “Dorëheqje” dhe “Ju erdhi fundi!” janë disa nga thirrjet që dëgjohen në ...
Një qytetar i është bashkuar protestës së pedagogëve dhe studentëve para Kryeministrisë, duke thënë se ka da...
Policia e Vlorës ka zhvilluar një aksion në lidhje me ngjarjen e së hënës, kur automjetit të kryetarit të Njësis&eu...
Plaçkitjet dhe dhuna që tronditën Francën gjatë fundjavës kërcënojnë të riformësojnë ekuilibrin ...
Nga Adelheid Woelfl, DER STANDARD Sipas Ministrisë së Shëndetësisë, të dielën gjatë protestave në Tiranë u ...
Revolta studentore është rikthyer edhe në qytetin bregdetar, ku studentët e Universitetit të Durrësit kanë bojkotuar më...
Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
Dhjetë aktivistë të Shoqërsë Civile kanë depozituar këtë të martë një kallëzim penal në Proku...
MOLDAVIA- Udhëheqësit e komunitetit rom në Moldavi i thanë në Kishinau ministres belge të Azilit dhe Migracionit, Anneleen Van Bossuyt, se ajo “nxit racizmin” kur deklaron se qytetarë moldavianë të etnisë rome shkojnë në Belgjikë dhe kërkojnë azil vetëm për të përfituar para dhe ndihma të tjera.
Van Bossuyt u takua me anëtarë të komunitetit rom më 13 maj, në një mbledhje të organizuar nga Agjencia për Marrëdhënie Ndëretnike, pas një deklarate të saj në internet – bërë para se të nisej për vizitë në Moldavi – ku shkruante se “turizmi i azilit duhet të marrë fund”.
Si përgjigje, sekretari i Koalicionit “Zëri i Romëve”, Marin Alla, shpjegoi gjatë takimit me Van Bossuyt se shumica e romëve në Moldavi nuk kanë mundësi për të gjetur punë të paguara mirë në vendin e tyre, dhe se të ardhurat e pamjaftueshme i detyrojnë të emigrojnë. Ai vlerësoi se në të ardhmen e afërt, numri i romëve që largohen drejt vendeve evropiane mund të rritet edhe më shumë, për shkak të kthimit në Moldavi të atyre që kishin shkuar më parë në Rusi.
“Shumë po kthehen në vend, nxjerrin dokumentet dhe më pas largohen sërish. Me anëtarësimin e Moldavisë në Bashkimin Evropian, ata do të mund të emigrojnë më lehtë”, tha Alla gjatë takimit, ku ishte i pranishëm edhe Shërbimi moldavian i Radios Evropa e Lirë.
Kryetari i Shoqatës Kombëtare të Ndërmjetësuesve Komunitarë, Valeriu Caldararu, tha në të njëjtën mbledhje se shumica e romëve, shumë prej tyre nga zona rurale, jetojnë në kufi të varfërisë dhe se politikat publike nuk janë të mjaftueshme për të përmirësuar kushtet e jetesës së tyre.
Van Bossuyt kishte paralajmëruar paraprakisht se do të vinte në Kishinau si pjesë e një “fushate për dekurajimin” e romëve, që të mos shkojnë në Belgjikë për të kërkuar azil.
Ajo deklaroi se vizita kishte për qëllim të informojë qytetarët moldavianë të etnisë rome për rreziqet që marrin përsipër duke shkuar në Belgjikë, në një kohë kur nuk do të marrin më ndihma sociale dhe kërkesat e tyre për azil do të refuzohen, me shumë gjasë.
Raste të tilla kur një zyrtar perëndimor i këtij niveli identifikon publikisht një komunitet të caktuar etnik për ta kritikuar janë të rralla, ndaj ajo u përball në Kishinau me reagim nga liderët romë dhe shoqëria civile moldaviane.
Në një deklaratë, Platforma e Grave Rome “Romni” nga Moldavia u shpreh se deklaratat e ministres belge “stigmatizojnë komunitetin rom, nxisin racizëm dhe normalizojnë gjuhën e urrejtjes”.
“Politikat e migracionit, sado të ashpra të jenë, nuk mund të justifikojnë diskriminimin etnik dhe nuk mund të shkelin parimet themelore të të drejtave të njeriut”, thuhej në letrën e hapur që ishte nënshkruar nga pothuajse 20 organizata joqeveritare dhe aktivistë të shoqërisë civile.
Autorët e saj theksonin se, duke marrë parasysh kushtet e vështira në të cilat jetojnë shumë familje rome në Moldavi, migrimi dhe kërkesat për azil “nuk janë zgjedhje komode, por zgjidhje të dëshpëruara në kërkim të një jete të denjë dhe të sigurt”.
Në një intervistë dhënë mediave moldaviane më 12 maj, Van Bossuyt sqaroi se në pesë vjetët e fundit, rreth 1.000 persona të etnisë rome – kryesisht nga veriu i Moldavisë – aplikojnë çdo vit për azil në Belgjikë. Ministrja shtoi se shumica e kërkesave bëhen gjatë dimrit, gjë që sipas saj tregon se njerëzit duan të përfitojnë edhe nga kushtet e akomodimit në qendrat e azilit në Belgjikë. Qëllimi i takimit të saj me përfaqësuesit e komunitetit rom ishte të qetësohej debati, por edhe të përcillej një mesazh i prerë.
Që nga viti 2023, Belgjika ka futur një sistem të përshpejtuar për shqyrtimin e kërkesave për azil, veçanërisht për aplikantët që vijnë nga “vende të sigurta”, siç konsiderohet edhe Moldavia. Në praktikë, këto kërkesa shqyrtohen shumë më shpejt, mesatarisht për 14 ditë. Kjo ka sjellë një normë refuzimi prej mbi 95 për qind, e konfirmuar edhe nga vetë ministrja belge.
Sistemi i ri nuk vlen vetëm për azilkërkuesit nga Moldavia, por edhe për ata nga vende si Kosova, Shqipëria, Kongoja apo Gjeorgjia. Në bisedën me anëtarët e komunitetit rom, Van Bossuyt tha se vendi i saj “nuk mund ta përballojë luksin e akomodimit të tyre”, duke përmendur mbingarkesën e sistemit të azilit dhe faktin që autoritetet belge e konsiderojnë Moldavinë si “vend të sigurt”.
“Duam që njerëzit të informohen siç duhet, të mos rrezikojnë jetën dhe të dinë se, nëse vijnë në Belgjikë, do të kthehen mbrapsht”, shtoi ministrja.
Ish-eurodeputete nga grupi i Konservatorëve dhe Reformistëve, Anneleen Van Bossuyt është, që nga shkurti 2025, ministre e Azilit dhe Migracionit në qeverinë belge, e cila për herë të parë drejtohet nga një koalicion i udhëhequr nga një parti nacionaliste flamane – Aleanca e Re Flamane (N-VA). Kjo parti kishte premtuar gjatë fushatës një qasje më të ashpër ndaj migracionit.
Belgjika nuk është e vetmja që ka marrë masa ndaj romëve nga Moldavia që kërkojnë azil. Edhe Gjermania, në vitin 2023, nisi dëbimin e qytetarëve moldavianë – sidomos atyre të etnisë rome – pasi Qeveria gjermane shpalli Moldavinë si “vend të sigurt”.
Ky vendim e thjeshtoi shumë procedurën e dëbimit, pasi autoritetet gjermane nuk janë më të detyruara të analizojnë në detaje kërkesat për azil të shtetasve moldavianë. Sipas të dhënave të autoriteteve në Berlin, të paktën 3.500 shtetas moldavianë pritet të riatdhesohen, pasi nuk kanë të drejtë qëndrimi në Gjermani.
Vetëm nga janari deri në prill 2023, rreth 150 shtetas moldavianë qëndronin në mënyrë të paligjshme në Gjermani dhe u dëbuan, sipas të dhënave që iu ofruan asokohe Radios Evropa e Lirë nga Inspektorati i Përgjithshëm për Migracionin./ REL
RUSI- Kremlini konfirmon se një delegacion rus do të shkojë në Stamboll të enjten për të marrë pjesë në bise...
ARABIA SAUDITE- Ahmed al-Sharaa kaloi nga një luftëtar i al-Kaedës në president të Sirisë, në një ...
GAZA- Të paktën 22 fëmijë janë vrarë në Rripin e Gazës mëngjesin e së mërkurës si pasojë e su...
BRUKSEL- Shtetet anëtare të Bashkimit Evropian kanë rënë dakord për paketën e 17-të të sanksioneve kund...
FRANCË- Rrëmbimet në Francë të individëve të lidhur me kompanitë e kriptomonedhave po bë...
IZRAEL- Zhvendosja e qendrës së gravitetit të politikës së jashtme amerikane drejt atyre që Donald Trump i konsideron ...
GREQI- Një tërmet i fuqishëm me magnitudë 6,1 të shkallës Rihter është regjistruar në orën 01:50 të m&e...
GAZA- Presidenti gjerman, Frank-Walter Steinmeier, nguli këmbë gjatë një takimi me kryeministrin izraelit Benjamin Netanyahu për...
SHBA- Shtetet e Bashkuara dhe Kinajanë dakorduar të hënën për heqjen e pjesshme të tarifave, që kanë trazuar...
TURQI- Gjatë ditës së nesërme, të enjten, kur diplomatët raportojnë se "dikush nga Rusia, me dikë nga Ukraina" do t&eu...
