Kremlini konfirmon misionin rus në Turqi/ Prania e Putinit mbetet ende mister

RUSI- Kremlini konfirmon se një delegacion rus do të shkojë në Stamboll të enjten për të marrë pjesë në bisedimet e drejtpërdrejta të paqes me Ukrainën, ndërsa prania e Vladimir Putinit mbetet një mister. Duke iu përgjigjur kësaj pyetjeje, zëdhënësi Dmitry Peskov deklaroi se Kremlini do të zbulojë më shumë informacion në lidhje me përbërjen e delegacionit rus "kur të marrim udhëzime për ta bërë këtë nga presidenti".

Megjithatë, ai sqaroi se oferta e Putinit për bisedime të drejtpërdrejta me Ukrainën "mbetet e vlefshme". “Delegacioni rus do të presë delegacionin ukrainas në Stamboll më 15 maj”, tha Peskov.

Kujtohet se presidenti rus propozoi të dielën që kaloi që negociatat e drejtpërdrejta të pasojnë në Turqi "pa kushte", por nuk tha se kush do të ishte atje në anën e Moskës. Nga ana e tij, Presidenti ukrainas Volodymyr Zelensky ka deklaruar se do të marrë pjesë në bisedime me Rusinë vetëm nëse Putini është atje.

Deri më tani, sipas raportimeve të mediave ruse dhe amerikane, Ministri i Jashtëm rus Sergei Lavrov, si dhe Yuri Ushakov, këshilltari i Putinit për politikën e jashtme, do të jenë në Stamboll dhe të gatshëm të takohen me homologët e tyre ukrainas.