Banorë të zonës së Durrësit të Ri, e njohur ndryshe si Ish-Këneta, kanë protestuar mbrëmjen e sotme në Durr&eu...
BOTA
Francë/ Ushtari humb jetën gjatë një “loje” me armë në një festë
PiranjatPërditësimi i fundit 20 Shkurt 2026, 17:37
Një ngjarje e rëndë ka tronditur komunitetin francez të Clamart, në perëndim të Paris, ku një ushtar 20-vjeçar humbi jetën pasi u qëllua aksidentalisht në kokë gjatë një feste me kolegët.
Sipas mediave lokale, tragjedia ndodhi të shtunën në ambientet e Spitalit Ushtarak Mësimor Percy, ku Gjenerali i Brigadës Alexandre Lancbin kishte marrë pjesë në një aktivitet me ushtarë të tjerë. Gjatë asaj që u përshkrua si një “lojë midis ushtarëve”, një pistoletë e mbushur shkrepi dhe plumbi goditi për vdekje 20-vjeçarin.
Sipas raportimeve, në “lojë” morën pjesë katër ushtarë dhe synimi ishte çarmatosja e njërit prej tyre. Arma zakonisht është bosh gjatë këtij rituali, që thuhet se është i përhapur mes ushtarëve, por këtë herë ajo rezultoi e mbushur, duke çuar në pasojën fatale.
Komandanti i ushtrisë së Parisit, Loïc Mizon, deklaroi se e kishte mësuar lajmin me “trishtim të thellë”. Në një reagim në platformën X, ai shprehu ngushëllimet për familjen dhe të afërmit e viktimës, duke theksuar se forcat e armatosura do të ofrojnë mbështetje të plotë.
Tre ushtarët e përfshirë në incident dolën para një gjykatësi në Paris të martën dhe akuzat ndaj tyre pritet të rishikohen në vijim, raportojnë mediat franceze.
