Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
BOTA
Trump imazh të ri me një aureolë dhe i përqafuar nga Jezusi: Jam karta e fortë e Zotit!
PiranjatPërditësimi i fundit 15 Prill 2026, 20:49
Donald Trump ka vendosur të “ulë tonin” – dhe ndoshta edhe ambiciet e tij – pas kritikave të forta që mori për një imazh të gjeneruar nga inteligjenca artificiale, ku paraqitej si një Krisht shërues në kohë lufte.
Në një nga postimet e fundit në rrjetin e tij social Truth Social, ai është “kënaqur” duke u paraqitur si lideri botëror i zgjedhur personalisht nga Jezusi si një “kartë fituese” në një moment historik veçanërisht të ndërlikuar. Në imazh, vetë Jezusi e përqafon Trump-in, i cili shfaqet pak centimetra më i shkurtër, por me një aureolë të ngjashme shenjtërie. Në sfond shfaqet flamuri amerikan.
Imazhi i ri: “Zoti luajti kartën Trump”
Këtë herë, presidenti nuk e publikoi vetë imazhin drejtpërdrejt, ndoshta për shkak të valës së kritikave që mori vetëm dy ditë më parë, por zgjodhi të ripostojë një publikim të një përdoruesi tjetër në rrjet.
“Unë nuk kam qenë kurrë një njeri veçanërisht fetar, por a nuk mund të jetë që në një periudhë kur figura satanike, demonike dhe të përfshira në sakrifica fëmijësh po ekspozohen… Zoti ka luajtur kartën Trump?”
Kjo është pyetja retorike që përdoruesi shoqëron me imazhin e përqafimit mes Jezusit dhe Donald Trump.
Duke e ripostuar, Trump shtoi edhe një koment politik: “Të çmendurve të së majtës radikale mund të mos u pëlqejë, por unë e mendoj shumë të këndshme.”
Shpjegimi i imazhit (dhe gabimi i Trump)
Dalja e fundit, ku Trump shfaqej si një Krisht që shëron një njeri, ishte “sqaruar” në mënyrë të çuditshme në një deklaratë për shtyp, ku ai tha: “Mendova se thjesht më paraqiste si mjek. Vetëm lajmet e rreme mund të shpiknin diçka të tillë.”
Ky shpjegim, në vetvete, ishte rezultat i një keqkuptimi tjetër, pasi zëdhënësja e Shtëpisë së Bardhë kishte folur për një imazh të manipuluar (“doctored”), dhe jo për Trump si “doktor” në kuptimin mjek.
Sulmet e Trump ndaj Papës
Dueli simbolik Trump–Jezus, i nxitur nga presidenti, po zhvillohet në një moment tensionesh të larta mes Shtëpisë së Bardhë dhe Vatikanit. Në ditët e fundit, Donald Trump ka sulmuar disa herë Papën me deklarata dhe postime në rrjete sociale, duke e akuzuar si “të dobët në luftën kundër krimit”, “të paaftë në politikën e jashtme” dhe se nuk është i vetëdijshëm se “Teherani ka vrarë 42 mijë qytetarë të tij”.
Sipas raportimeve, Uashingtoni duket se nuk i pranon kritikat e vazhdueshme dhe të ashpra të Papa Leonit XIV ndaj administratës amerikane, të cilën ai e ka akuzuar se ka “duart e përgjakura” nga viktimat e konfliktit në Lindjen e Mesme. /PiranjatNews/
