Policia e Fierit ka vënë në pranga, dajën e deputetes së PS, Zegjine Çaushi, pasi Bledar Bakaj dyshohet se plagosi me drap&eum...
BOTA
Trump po shqyrton pushtimin e ishullit Kharg për të detyruar Iranin të hapë Ngushticat
Nga Xhuljan FerzajPërditësimi i fundit 20 Mars 2026, 15:01
Administrata e Presidentit të SHBA-së, Donald Trump, po shqyrton sekuestrimin ose bllokimin e Ishullit Kharg të Iranit, me qëllim që të ushtrojë presion mbi Teheranin që të rihapë Ngushticën e Hormuzit, sipas burimeve të cituara nga faqja e internetit Axios, shkruan BBC, raporton Piranjat News.
Raporti thotë se presidenti amerikan nuk mund ta përfundojë luftën, të paktën sipas kushteve të tij, derisa të heqë bllokadën e Ngushticës së Hormuzit, e cila është jetike për transportin detar të naftës dhe gazit.
Megjithatë, një operacion për të pushtuar ishullin Kharg, i cili ndodhet rreth 30 kilometra larg bregdetit të Iranit dhe nga ku eksportohet 90% e naftës iraniane, do t’i sillte trupat amerikane më drejtpërdrejt në vijën e zjarrit.
Si pasojë, një operacion i tillë mund të ndërmerret pasi ushtria amerikane të kufizojë më tej aftësitë ushtarake të Iranit rreth Ngushticës së Hormuzit.
"Na duhet rreth një muaj për t'i dobësuar më tej iranianët me sulme, për të pushtuar ishullin dhe (...) për ta përdorur këtë për negociata", tha një burim me njohuri mbi mendimin e Shtëpisë së Bardhë për faqen e internetit Axios.
Ai donte që lufta të mbaronte para fundit të marsit
"Ai dëshiron që Hormuzi të hapet. Nëse i duhet të marrë ishullin Kharg për ta arritur këtë, ai do ta bëjë. Nëse vendos të shkojë për një pushtim bregdetar, ai do ta bëjë. Por ky vendim nuk është marrë ende", tha një zyrtar i lartë i administratës amerikane për Donald Trump.
"Ne gjithmonë kemi pasur forca ushtarake në terren në zonat e konfliktit nën çdo president, përfshirë Trumpin. E di që kjo është një obsesion mediatik dhe i kuptoj aspektet politike, por presidenti do të bëjë gjënë e duhur", tha një zyrtar i dytë, duke shtuar se nuk është marrë asnjë vendim.
Operacioni, nëse miratohet, do të kërkojë më shumë trupa. Tre njësi të Marinës Amerikane janë tashmë në rrugë drejt zonës dhe Shtëpia e Bardhë dhe Pentagoni po shqyrtojnë dërgimin e më shumë trupave së shpejti, tha një zyrtar amerikan.
Fillimisht, Trump donte t’i jepte fund luftës përpara udhëtimit të tij të planifikuar në Kinë në fund të marsit. Kriza e Ngushticës e detyroi atë ta shtynte atë udhëtim dhe ta vazhdonte luftën më gjatë se sa kishte planifikuar, sipas burimeve./Përshtati në shqip Piranja News
