U kapën në flagrancë duke prerë drurë, tre persona tentojnë të godasin me traktor policinë në Ferizaj, vihen në pranga dy prej tyre

Traktor

FERIZAJ- Një ngjarje e pazakontë është regjistruar në Ferizaj të Kosovës. Policia e Kosovës përmes një njoftimi ka bërë me dije se të martën rreth orës 20:45 gjatë patrullimeve të zhvilluara policët e Njësisë së Reagimit të Shpejtë kanë vërejtur tre traktorë të ngarkuar me drunjë në fshatin Dremjak.

Policët kanë tentuar të ndalojnë personat e ndaluar të cilët kanë tentuar t’i godasin me traktorë. Pas këtij veprimi ata kanë vazhduar rrugën duke u futur ndaras në rrugica malore dhe dy prej tyre janë arrestuar, ndërsa njëri ka arritur të ikë në drejtim të panjohur. Mësohet se nga ngjarja janë plagosur dy persona te cilët kanë marrë ndihmë mjekësore por më pas kanë dalë nga spitali.

“Policia ka arritur që të arrestojë dy prej tyre, ndërsa gjatë arrestimit i kanë rezistuar policisë dhe dy pjesëtaret e policisë kanë pësuar lëndime trupore, të cilët kanë pranuar tretman mjekësor në Qendrën Emergjente në Ferizaj, e më pas janë liruar”, thuhet në njoftim.

ferizaj kosove policia