"U nis nga Libani!" Sulmohet me dron rezidenca e Kryeministrit izraelit, Benjamin Netanyahu

LINDJE E MESME- Një dron nga i nisur nga Libani goditi qytetin bregdetar të Cezaresë, ku jeton kryeministri Benjamin Netanyahu teksa dy të tjerë u kapën. Sipas mediave të huaja, forcat izraelite të mbrojtjes raportuan se një dron i identifikuar si i ardhur nga Libani goditi një strukturë në qytetin e Cezaresë, në Izraelin qendror, pa dhënë detaje të mëtejshme.

Gjithashtu mediat e huaja raportojnë sse objektivi i dronit të lëshuar sot nga Libani mbi qytetin izraelit të Cezaresë, në veri të Tel Avivit, ishte rezidenca personale e kryeministrit Benjamin Netanyahu. Nga ana tjetër, zyra e kryeministrit izraelit konfirmoi se rezidenca private e tij në Cezare ishte shënjestër e një sulmi me dron nga Libani më herët këtë mëngjes.

Në një deklaratë të shkurtër, PMO thotë se kryeministri Benjamin Netanyahu dhe gruaja e tij Sara nuk ishin në shtëpi në momentin e sulmit dhe se nuk kishte të lënduar në incident.

Sulmi me dron nuk u mor përsipër menjëherë nga grupi libanez i mbështetur nga Irani Hezbollah, ose ndonjë grup tjetër militant, të cilët kanë patur përplasje të armatosura me Izraelin që nga tetori i kaluar.

lindje e mesme