CNN, përmes rubrikës analitike ‘Fareed’s Global Briefing’, i ka kushtuar vëmendje protestave që po zhvillohen prej rreth...
BOTA
VIDEO/ Aksidenti i frikshëm, 24-vjeçari përplaset për vdekje në derën e shtëpisë para syve të gjyshes, nënës, motrës dhe të dashurës
PiranjatPërditësimi i fundit 30 Nëntor 2025, 10:15
Një tragjedi e pazakontë ndodhi mbrëmjen e shkuar në qendër të Loutsës në Greqi, ku një 24-vjeçar gjeti vdekjen e menjëhershme, teksa u përplas nga një makinë, ndërsa ai, së bashku me nënën, motrën dhe të dashurën e tij, po dilnin nga makina.
Djali i pafat ishte kthyer në Greqi për të marrë pjesë në ceremoninë e diplomimit të të dashurës së tij në Universitet.
Pak minuta pas aksidentit, gjyshja e 24-vjeçarit pa nipin e saj të shtrirë në asfalt, pasi gjithçka ndodhi pothuajse poshtë shtëpisë së saj.
Aksidenti ndodhi pak para mesnatës së së shtunës, kur një makinë blu, e drejtuar nga një burrë 29-vjeçar, që lëvizte me shpejtësi marramendëse në Artemis Avenue, duke u drejtuar drejt Rafinës, devijoi dhe kaloi në drejtim të kundërt, duke rezultuar me përplasje të fortë me pjesën e pasme të makinës së parkuar.
Në atë kohë, 24-vjeçari, së bashku me nënën, motrën dhe të dashurën e tij, po dilnin nga makina.
Në videon e publikuar nga protothema.gr, makina blu shihet duke ecur me shpejtësi të lartë, duke kaluar në drejtim të kundërt të trafikut dhe duke u përplasur me makinën e zezë në të cilën ndodheshin të rinjtë.
24-vjeçari, i cili ishte në anën e djathtë të makinës, hidhet në trotuar dhe godet kokën në bordurë, duke vdekur menjëherë.
Tragjedia zhvillohet para syve të gjyshes së 24-vjeçarit, e cila ka humbur dy fëmijët e saj, dhe dje pa nipin e saj të jepte frymën e fundit në asfaltin jashtë shtëpisë së tyre. 24-vjeçari jetonte jashtë vendit dhe ndodhej në Greqi vetëm për pak orë, pasi kishte udhëtuar për të marrë pjesë në diplomimin e të dashurës së tij në universitet.
