Deputetja e pavarur Marjana Koçeku ka zbuluar se ka marrë oferta politike nga subjekte të ndryshme, por ka vendosur të vijojë aktivit...
BOTA
VIDEO/ Burri bën sherr në 9 mijë metra lartësi para syve të fëmijëve që qajnë
PiranjatPërditësimi i fundit 28 Prill 2026, 23:20
Një fluturim familjar me avion është devijuar pasi një çift i dehur tentoi të përfshihej në përleshje me pasagjerët dhe ekuipazhin në një lartësi prej 9 mijë km.
Një burrë agresiv, me sjellje raciste dhe homofobike, i veshur me bluzë jeshile, u përball me punonjësit e avionit dhe bërtiti: “Jam gati! Jam gati tani! Më duhet kjo! Unë jam irlandez.”
Ndërsa dy fëmijët e tij të vegjël qanin nga frika, burri shpërtheu në një sjellje agresive dhe kërcënuese, duke sharë dhe duke fyer pasagjerët dhe ekuipazhin e avionit me gjuhë shumë vulgare.
Ai iu drejtua stafit të avionit në mënyrë kërcënuese, duke u përpjekur t’i provokonte dhe duke shfaqur sjellje të dhunshme, përfshirë edhe kërcënime serioze për dhunë fizike dhe vrasje. Incidenti shkaktoi frikë dhe tension në bord, ndërsa situata u përshkrua si kaotike dhe e rrezikshme gjatë fluturimit.
Incidenti u konsiderua aq serioz sa kompania ajrore Jet2 i tha “The Sun” se planifikon të lobojë për krijimin e një baze të dhënash kombëtare, në mënyrë që pasagjerët problematikë të ndalohen nga të gjitha linjat ajrore në Mbretërinë e Bashkuar. Personi agresiv ka bërtitur ofendime raciste kur një pasagjer u përpoq të ndërhynte për të qetësuar situatën.
Gjithashtu, një pasagjere rreth të 60-ave u godit aksidentalisht me grusht gjatë një përleshjeje që shpërtheu mes tij dhe një udhëtari tjetër në kabinë. Kur piloti e urdhëroi përmes sistemit të altoparlantit që të qetësohej, ai u përgjigj me sfidë, duke bërtitur: “Çfarë do të bësh?! Çfarë do të bësh?! Asgjë!” /PiranjatNews/
Donald Trump ka reaguar ashpër ndaj deklaratave të kancelarit gjerman Friedrich Merz lidhur me konfliktin dhe negociatat me Iranin, duke e akuzuar a...
