VIDEO/ Protesta të dhunshme në Francë, mijëra qytetarë përleshen me policinë, arrestohen 42 persona

Protesta

PARIS- Incidente të shumta janë regjistrua ditën e sotme në Francë, veçanërisht në Paris dhe Lion ku protestuesit e 1 Majit së bashku me protestuesit kundër luftës në Gaza u përleshën me policinë. Sipas vlerësimeve në protestra pritej një numër prej 120,000 deri në 150,000 protestues në të gjithë vendin, një numër dukshëm më i ulët se në vitin 2023, kur mobilizimi mblodhi pothuajse me 800,000 demonstrues.

Në Paris, numri i demonstruesve vlerësohet të jetë 50,000 në rrugë. Në Lyon, 13,000 demonstrues u mblodhën sipas sindikatave dhe 6,500 sipas prefekturës. Në Marsejë u mblodhën rreth 3000 njerëz. Në Rennes, demonstrata tërhoqi 1,400 demonstrues, sipas prefekturës, ndërsa në Nante ishte midis 4,000 dhe 5,000. Gjatë protestave pati incidente dhe përplasje me policinë.

Gjithashtu raportohet se në qendër të qyteteve gjatë demonstratës u dëmtuan biznese dhe u hodhën gaz lotsjellës. 17 persona u arrestuan në fund të marshimit në Lion, sipas prefekturës, ndërsa Prefektura e Policisë së Parisit njoftoi arrestimin e 25 personave në orët e para të ditës së sotme.

proteste france policia perleshje