VIDEO/ Zero kontakt me botën, pamje të rralla nga jetesa e fisit të izoluar Mashco Piro në Peru

Mashco Piro

PERU- Një video e re dhe e pabesueshme tregon një fis gjuetarësh të cilët nuk kanë kontakt me botën, në brigjet e një lumi në Perunë e largët. Fisi Mashco Piro, që besohet të jetë fisi më i madh i izoluar në botë, janë parë duke qëndruar në breg të lumit vetëm me të brendshme me flokë të gjatë dhe këmbë zbathur.

Një video e rrallë nga përtej lumit tregon se grupi qëndronte në grupe të vogla, disa vraponin për të marrë shtiza të mëdha e të tjerët flasin, bëjnë gjeste me njëri-tjetrin dhe ndihmojnë në bartjen e objekteve përgjatë lumit.

Ekspertët kanë frikë se fisi i izoluar po del më shpesh nga shtëpia e tij në rajonin Madre de Dios në Perunë juglindore, pasi prerësit e drunjve po shkatërrojnë pyllin e shiut.

Survival International, duke punuar me fiset në mbarë botën për sigurinë e tyre, thotë se dhjetëra njerëz janë shfaqur pranë vendbanimeve të tjera fisnore në Perunë juglindore ditët e fundit, të shqetësuar për praninë e druvarëve.

“Këto imazhe të pabesueshme tregojnë se një numër i madh Mashco Piro të izoluar jetojnë vetëm disa milje larg vendit ku druvarët do të fillojnë operacionet e tyre”, tha drejtoresha e Survival International, Caroline Pearce.

Mashco Piro, të cilët banojnë në një zonë të vendosur midis dy rezervave natyrore në Madre de Dios, janë shfaqur rrallë si rregull dhe nuk komunikojnë shumë me Yine ose me askënd, sipas Survival International.

"Kjo është një fatkeqësi humanitare në zhvillim e sipër - është absolutisht jetike që druvarët të heqin dorë dhe më në fund territori i Mashco Piro të mbrohet siç duhet," shtoi zonja Pearce.

Ka më shumë se 100 fise të izoluara në mbarë botën, sipas Survival, por shumë sot përballen me zhdukjen për shkak të shkatërrimit të habitatit nga të huajt. Kontakti me të huajt mund të jetë kërcënues për jetën për shkak të ekspozimit ndaj sëmundjeve të reja ndaj të cilëve njerëzit e izoluar nuk do të kishin zhvilluar rezistencë.

peru mashco piro