Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
VOA: Sindikatat e fermerëve protestojnë kundër politikave të BE-së në Bruksel
M.B.Përditësimi i fundit 4 Qershor 2024, 22:21
Foto ilustruese
BRUKSEL- Pak ditë përpara zgjedhjeve për Parlamentin e Bashkimit Evropian, qindra fermerë udhëtuan drejt Brukselit nga e gjithë Evropa të martën për të protestuar kundër politikave mjedisore të BE-së. Rreth 500 traktorë u mblodhën para monumentit 'Atomium' në periferi të qytetit, sipas policisë. Rreth 1200 persona morën pjesë në demonstratën e organizuar nga grupi holandez i Forcave të Mbrojtjes së Fermerëve. Fermerët udhëtuan nga Holanda, Belgjika, Polonia dhe Gjermania.
"Ne duam që Evropa të heqë dorë nga Marrëveshja e Gjelbër sepse nuk është realiste", tha Bart Dickens, president i degës belge të Forcës së Mbrojtjes së Fermerëve.
Së fundmi ka patur një seri protestash nga fermerët që kanë shkaktuar pengesa për jetën në Bruksel. Që nga mesdita e së martës, nuk ka patur raportime për automjete që kanë bllokuar qarkullimin. Sipas policisë, pati ndërprerje të qarkullimit në një protestë paralele në Poloni, ku fermerët kanë bllokuar një pikë kufitare me Ukrainën për të treguar solidaritet për demonstratën në Bruksel. 'Solidariteti' dhe Aleanca 'Gjithë Polonia', dy sindikatat më të mëdha bujqësore në Poloni, kanë thënë se nuk ishin në dijeni të protestave.
"Kjo protestë do të zgjasë tre ditë... kamionët që udhëtojnë nga Ukraina janë bllokuar dhe 12 kamionë lejohen të largohen nga Polonia midis orës 8 të mëngjesit dhe 8 të mbrëmjes", tha zëdhënësja e policisë Malgorzata Pawlowska.
Lëvizja 'Forcat e Mbrojtjes së Fermerëve', e cila merret kryesisht me ankesat e fermerëve ndërsa afrohen zgjedhjet për Parlamentin Evropian, konsiderohet e afërt me të djathtën e vijës së ashpër. Gjatë protestës, fjalën e morën mbi 10 individë, përfshirë disa figura të së djathtës së skajshme nga partitë nacionaliste Ligj dhe Drejtësi e Polonisë dhe ajo flamande Vlaams Belang. Koordinimi Rural, sindikata e fermerëve me prirje të djathtë në Francë, gjithashtu protestoi kundër pjesëve që kanë të bëjnë me mjedisin në Politikën e Përbashkët Bujqësore të BE-së, kufizimet e tepruara dhe marrëveshjet e tregtisë së lirë.
Protestat e fermerëve në Bruksel në fillim të këtij viti sollën lëshime të favorshme për fermerët. Jo të gjitha grupet po marrin pjesë në demonstratën aktuale. Copa-Cogeca, grupi kryesor bujqësor pan-evropian, nuk mori pjesë, pavarësisht se merrte pjesë në protestat e mëparshme. Shoqata bujqësore La Via Campesina gjithashtu nuk mori pjesë.
"Ne e kundërshtojmë këtë përpjekje nga grupe të vogla që nuk ofrojnë propozime konkrete për të trajtuar problemet e fermerëve, por duke shfrytëzuar shqetësimet e fermerëve po ndjekin interesat e tyre partiake", tha një zëdhënës i Via Campesina-s.
Demonstruesve u është lejuar të demonstrojnë në një pjesë të veçantë të Brukselit dhe policia është dislokuar për të bllokuar hyrjen e fermerëve në zemër të qytetit./VOA
