Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
BOTA
Zbret nga makina për qenin, vdes tragjikisht
PiranjatPërditësimi i fundit 18 Mars 2026, 20:15
Ajo kishte zbritur nga makina që qeni të kryente nevojat, por një automjet e përplasi me forcë të plotë dhe e vrau. Ngjarja ndodhi të hënën në mbrëmje, në kufirin mes Umbria-s dhe Toscana-s, në Lisciano Niccone. Tashmë drejtuesi i mjetit, 38 vjeç, është nën hetim për vrasje rrugore dhe rezulton gjithashtu pozitiv në testin e alkoolit.
Dinamika e ngjarjes Sipas rindërtimit të karabinierëve të komandës së Città della Pieve, gruaja po kthehej në shtëpi pas një darke me shoqëri. Në timon ishte një mik i saj, të cilit ajo i kishte kërkuar të ndalonte makinën për t’i bërë qenin të kryente nevojat. Por sapo zbriti, një makinë e përplasi me forcë.
E hedhur për dhjetëra metra E gjithë ngjarja ndodhi në Lisciano Niccone, një fshat mes pyjeve në kufirin mes Toscana-s dhe Umbria-s. Gruaja u hodh për disa metra dhe vdiq në vend. Shërbimet e emergjencës ndërhynë menjëherë, por për të nuk kishte më asgjë për të bërë.
Hetimet për vrasje rrugore Trupi i pajetë i gruas ndodhet aktualisht në spitalin e Peruxhias. Nuk përjashtohet mundësia që prokurori i turnit, i ngarkuar me çështjen, të urdhërojë një autopsi për të sqaruar shkaqet e vdekjes. Ndërkohë, sipas “La Nazione”, burri që ishte në timon ka rezultuar pozitiv në testin e alkoolit. Viktima është Lucia Lamentini, 50 vjeçe, mësuese mbështetëse, shumë e njohur mes Toscana-s dhe Umbria-s. Në Cortona, në provincën e Arezzo-s, prindërit e saj kishin një dyqan fotografie, pasion të cilin Lucia e kishte bërë të vetin me kalimin e viteve.
