I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
BOTA
Zgjedhjet në Kosovë/ Opozita ka më shumë deputetë se pushteti aktual, Lëvizja Vetëvendosja deri tani do të ketë 46 deputetë
n.fPërditësimi i fundit 11 Shkurt 2025, 09:17
KOSOVË- Komisioni Qendror Zgjedhor në Kosovë ka përpunuar mbi 99% e vendvotimeve nga zgjedhjet parlamentare të 9 shkurtit, ku Vetëvendosja doli fituese. Rezultat e zgjedhjeve të këtij viti janë më ulëta se më vitin 2021.
Me 2,512 vendvotime të numëruara nga gjithsej 2,533, VV prin me 40.83%, PDK e dyta me 22.15%, LDK me 17.59% dhe AAK-NISMA me 7.47%. Në bazë të këtyre rezultateve, në parlamentin e ri VV do të ketë 46 deputetë nga 58 sa kishte më 2021.
PDK shkon në 25 deputetë, ndërsa LDK merr 20 deputetë. AAK-NISMA për momentin kanë 9 deputetë, por për shumë pak vota mund ta humbin njërin dhe ta marrë VV-ja. Në total, opozita ka 54 deputetë, ndërsa partia e Albin Kurtit ka 46. Votat e diasporës mund të kenë ndikim në këtë rezultat, por gjasat janë të mëdha që në fund opozita të ketë më shumë vota se pushteti.
Për t’u formuar qeveria e re do të nevojiten së paku 61 deputetë. VV në skenarin më të mirë të mundshëm do të marrë 51 deputetë pas numërimit të votave të diasporës, gjë që do t’ia mundësonte formimin e qeverisë me anë të deputetëve të minoriteteve joserbe.
