Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
Zjarret në Kaliforni/ Shkon në 16 numri i të vdekurve, më shumë se 12.000 shtëpi të djegura
n.fPërditësimi i fundit 12 Janar 2025, 08:10
Foto ilustruese
SHBA- Zjarrfikësit po luftojnë me kohën dhe kushtet e motit në frontet ende të pakontrollueshme të zjarreve rreth Los Angeles ndërsa autoritetet vazhdimisht lëshojnë urdhra për evakuimin e zonave. Zyra e mjekëve të kontesë së Los Angelesit tha sot se numri paraprak i vdekjeve nga zjarret që kanë përfshirë qendrën e dytë më të madhe urbane të SHBA që nga fillimi i javës është rritur në 16.
Njëmbëdhjetë viktima u gjetën në zonën e përfshirë nga zjarri i Eaton pranë qytetit të Altadina dhe pesë të tjerët në zonën e prekur nga zjarri i Palisades, i cili përfshiu periferinë e pasur të Paqësorit Palisades.
Të dy zjarret mbeten të pakontrolluara nga zjarrfikësit. Numri i mëparshëm zyrtar i përkohshëm i vdekjeve ishte 11 të vdekur. Numri pritet të rritet pasi zjarrfikësit të jenë në gjendje të kryejnë kontrolle shtëpi më shtëpi. Deri më tani, janë lëshuar urdhra evakuimi për 153,000 banorë të zonës së Los Angelosit, ndërsa 166,000 të tjerëve u është thënë se mund të largohen gjithashtu nga shtëpitë e tyre. Zonat në rrezik ndryshojnë vazhdimisht nga ora në orë.
Në të njëjtën kohë, policia arrestoi 22 persona për shkelje të orarit të qarkullimit gjatë orëve të natës dhe për grabitje në zonat e djegura. Shërbimi zjarrfikës ka paralajmëruar banorët se në 72 orët e ardhshme moti ka mundësi të përkeqësohet nga erërat. Katër janë frontet aktive dhe më të rrezikshme tani në zonën më të madhe të Los Angelosit. Dy janë më të rrezikshmit, ndërsa dy të tjerë kontrollohen në një masë të madhe. Rreth 10 janë kontrolluar pothuajse plotësisht në ditët e fundit.
