Dhjetëra anëtarë dhe simpatizantë të Partisë Demokratike nga Vlora, Himara dhe Saranda janë nisur drejt Tiranës, ku sot ...
AKTUALITET
EMRI/ Përdhu*oi 17-vjeçaren në tualetet e një lokali në Angli, dënohet me burg shqiptari
PiranjatPërditësimi i fundit 31 October 2026, 11:42
Një 24-vjeçar shqiptar është dënuar me 7 vite e 6 muaj burg në Mbretërinë e Bashkuar, pasi u shpall fajtor për përdhunimin e një vajze 17-vjeçare në tualetet e një lokali në Leicester. Bëhet fjalë për Pandeli Dervishin, i cili kreu sulmin seksual më 1 tetor, në ambientet e një lokali në zonën The Newarke. Sipas dëshmive të paraqitura në gjykatë, ai e detyroi adoleshenten të kryente seks oral.
Pas ngjarjes, Dervishi u arrestua fillimisht, por u lirua me kusht ndërsa policia vijonte hetimet. Në shkurt të vitit 2026, ai u akuzua zyrtarisht për përdhunim, por nuk iu përgjigj thirrjes për t’u paraqitur në polici dhe qëndroi për rreth dy muaj në arrati.
Shqiptari u lokalizua në zonën e Guildfordit, në qarkun Surrey, pasi hetuesit gjurmuan të dhënat telefonike dhe financiare. Ai ra në sy të policisë pasi kaloi me automjet me semafor të kuq në rrugën A320 Woking Road, më 16 prill, dhe u arrestua pas ndjekjes nga një patrullë policie.
Pas procesit gjyqësor të zhvilluar më 29 tetor në Gjykatën e Kurorës në Leicester, Dervishi u dënua me 7 vite e 6 muaj burg.
Oficeri përgjegjës për çështjen, Jon Williams, deklaroi se shqiptari ishte përpjekur t’i shmangej drejtësisë, ndërsa theksoi se periudha e arratisë kishte shkaktuar pasiguri dhe ankth te viktima. Ai u shpreh se shpresonte që dënimi t’i jepte asaj sadopak ngushëllim dhe mundësi për të vijuar jetën.
