Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
Prekëse/ Publikohen pamjet kur qeni u qëndron pranë trupave të pajetë të Gene Hackman dhe Betsy Arakawa (VIDEO)
m.lPërditësimi i fundit 18 Prill 2025, 15:20
SHBA- Pamjet e kamerave të trupit të oficerëve të policisë që hynë në shtëpinë e Gene Hackman dhe gruas së tij Betsy Arakawa, në Santa Fe, New Mexico, janë publikuar. Videoja 11-minutëshe e publikuar tregon qenin gjerman të çiftit duke qëndruar i heshtur, vetëm pak metra larg trupit të pajetë të Arakawa-s, i cili kishte vdekur prej ditësh në banjën e shtëpisë, sikur e ruante atë.
"I gjori... duket i trishtuar," dëgjohet duke thënë një nga oficerët e policisë ndërsa kalonte pranë tij. Qëndrimi i qenit, i qëndrueshëm dhe i qetë, të jepte përshtypjen se kishte qëndruar gjatë në krah të gruas së aktorit. Çifti kishte tre qen. Dy prej tyre u gjetën të gjallë, ndërsa i treti u gjet i vdekur në kafazin e tij, nga uria dhe dehidratimi.
Videoja e publikuar nga policia tregon brendësinë e shtëpisë luksoze, por të lënë pas dore rëndë, 4 milionë dollarë, me grumbuj rrobash, letrash dhe sendesh personale të shpërndara nëpër dhoma. Një raport nga autoritetet shëndetësore konfirmoi një prani të gjerë të brejtësve në pronë, me minj të gjallë dhe të ngordhur, kurthe dhe fekale të gjetura në dhomat e magazinimit, garazhet dhe dhomat e shërbimeve të shtëpisë.
