Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
INVESTIGIME
Dokumentet/ As 24 orë në detyrë, kryetari i komanduar i Vlorës devijon 4.6 mln euro fonde. Do shkojnë drejt kompanisë Fusha?
PiranjatPërditësimi i fundit 25 Shtator 2025, 19:43
Pa kaluar 24 orë pasi mori detyrën si kryetar i komanduar i Bashkisë së Vlorës, Elis Halili, me një të “rënë lapsi” ka devijuar plot 4.6 milionë euro investime.
Vetëm një ditë pasi mori detyrën, Halili, ish-inxhinier i Kompanisë Fusha, ka paraqitur me urgjencë një projektvendim pranë Këshillit Bashkiak të Vlorës, për rishpërndarje të fondeve të miratua po nga ky Këshill në fund të vitit të shkuar për vitin 2025.
“Po e paraqesim jashtë radhe këtë projektvendim, pas nevojave të Bashkisë për disa ndryshime në zërat e investimeve.
Koha e kufizuar për prokurimin e tyre si dhe detyrimi në mbështetje të ligjit 9936 date 26.06.2008 për Menaxhimin e Sistemit Buxhetor në Republikën e Shqipërisë, neni 51 në të cilin parashikohet se pas datës 15 tetor nuk mund të merren angazhime të reja buxhetore, në këto kushte e kemi të domosdoshme që të zhvillohet një mbledhje jashtë radhe e Këshillit të Bashkisë”, thuhet projektvendimin drejtuar Këshillit Bashkiak që mban datë 23 shtator, pra një ditë më vonë pasi Halili mori drejtimin e Bashkisë së Vlorës si kryetar i komanduar.
Mbledhja e radhës ku këshilltarët socialistë me gjasë do të ‘vulosin’ kërkesën e kryetarit të komanduar do të zhvillohet më 29 shtator dhe pritet të shoqërohet me debate. Ka dyshime të forta që shuma prej 4.6 milionë euro investime janë paracaktuar nga kryebashkiaku se kush do t’i përfitojë dhe emri më i lakuar është kompania “Fusha shpk.” /Piranjat.al/
