50-vjeçari Thimjo Rubati, i plagosur pas një atentati mbrëmjen e së premtes në Sarandë, i transportuar mandej në spitalin...
INVESTIGIME
Pashaporta europiane dhe veçoritë e saj
Florian BinajPërditësimi i fundit 11 Prill 2025, 21:24
florian binaj
TIRANË- Sot do ju jap të vetmin premtim që do mbaj për 4 vitet e ardhshme, ashtu siç mbajta premtimin për 24 orë ujë, për mjeksi falas, për ulje taksash, për krijimin e 300.000 vëndeve të punës…në fakt këtë premtimin e fundit e tejkalova sepse fal ikjes së 700.000 shqiptarve, u krijuan 700.000 vënde pune. Dhe premtimi i vetëm është që, pasi ne të mbarojmë proçesin e dhënies së pashaportës shqiptare të gjithë europianëve, në 2030-ën do u japim shqiptarve pashaportën europiane. Kjo pashaport do jetë pashaporta më e bukur dhe më e sigurtë në botë. Për të gjithë ata që janë socialistë, pashaporta del 3 ditë pas aplikimit, kurse për ata që janë opozitarë, minimumi 6 muaj. Më lejoni të ndaj me ju, disa veçori të pashaportës Europiane.
E para nën dritat ultravjollcë, shikohen izoipset e alpeve shqiptare. E 2-ta, kur hap faqen e parë, do gjeni në krah të fotos tuaj, foton e heroit tuaj kombëtar, mua! E 3-ta, pjesa ku është fotoja juaj, përveç elementëve të sigurisë, ka edhe filtra bukurie ku mund të hiqni rrudhat, puçrat, të zmadhoni sytë derisa sytë tju pëllcasin. E 4-rta, me fletët e mprehra të kësaj pashaporte, mund ti përdorni për të prerë bukën, djathin, mishin perimet etj, për të lyer fetat e bukës ose edhe për të suvatuar muret.
E 5-ta, Kjo pashaportë jo vetëm do ju hapë dyert e botës, por do ju shpëtojë jetën. Nëse humbisni në det, ndryshe nga të gjitha pashaportat në botë që mbyten, kjo pashaportë kthehet në komardare duke i fryrë n’my …mu këtu…dhe nëse largqoftë, humbisni nëpër shkretëtirë, i nxjerr pipzën e saj ansore dhe ti pini longun pashaportës.
Edhe nëse humbisni në pyll, mund të karikoni celularin tuaj duke i fut fishen pashaportës.
E 6-shta, nëse berberi juaj ka ikur në Gjermani, duke shtypur këtë butonin e vogël, mund të qethni ose të rruni leshtë!
E 7-ta, Duke e lidhur pashaportën me llogarinë tuaj bankare, ju mund të paguani ujin, dritat, taksat madje dhe ta përdorni si kartë krediti.
Por, kjo nuk është e gjitha! Ju mund ta përdorni pashaportën e re Shqiptaro-Europiane edhe si harddisk, për të shkarkuar dokumenta si psh familjen në format pdf, fisin në format pdf por edhe dashnoret në formatin rar.
Dhe e fundit, se asnjëherë s’i dihet kështu si po vijnë kohët, nëse në 2030-ën Bashkimi Europian sdo jetë, ne do i ndryshojmë vetëm këto dy gërmat nga EU european union në UE United Emirates, pra Emiratet e Bashkuara Arabe.
