I riu blen makinën, por ia merr Policia! Përballet me shitësin: Pse ma shite me probleme, më kthe lekët!

foto ilustruese

TIRANË- Të gjithë ne blejmë. Blejmë të mira materiale, shërbime, pasuri të luajtshme e të paluajtshme. Në bazë të mundësive, na pëlqen të kemi, edhe një makinë për të lëvizur. Siç është rasti i Fatjon Buriçit, i cili bleu një makinë Golf 5 ngjyrë e bardhë, z.Emiliano Lule, drejtor i Institutit të Nxënësve që nuk Shohin. Pasi bëri noterinë dhe pagoi lekët, ai u paraqit pranë DPSHTRR-së për të ndryshuar targat, por atje i konstatuan se automjeti ishte i shpallur në kërkim nga Interpoli dhe njëkohësisht Prokuroria e Tiranës kishte vendosur sekuestro për mjetin, në kuadër të një procedimi penal të vitit 2019 për shtetasin me iniciale S.M., posedues i mëhershëm i makinës.

Pasi z.Buriçi dorëzoi automjetin në polici që të mos kishte probleme, u përball me shitësin duke i kërkuar paratë mbrapsh, por ky i fundit refuzoi duke mos i dhënë zgjidhje. Emiliano Lule, edhe pas përballjes me Piranjat, nuk pranoi ndërmjetësim për t’i kthyer lekët blerësit, duke u justifikuar se ka një document RBS-je të rregullt (Regjistri i Barrëve Siguruese.) Mirëpo RBS-ja nuk ka lidhje me Interpolin dhe nuk e ka në funksionet e saj që të informohet se cili automjet rezulton në kërkim apo jo nga Interpoli.

Fatjoni, ishte detyruar të merrte kredi për ta blerë makinën, dhe sot ai është në kushtet që lanë kredinë për një makinë që nuk e ka, ndërsa Emiliano Lule, justifikohet duke ia lënë në dorë gjykatës që ta zgjidhni këtë çështje, pa menduar dëmin që i ka bërë palës tjetër.

Lidhur me këtë çështje, avokati Alban Duraj shprehes se “Shitësi dhe blerësi në pamje të parë nuk kanë ndonjë përgjegjësi ligjore. Duhet të ishte në ndërgjegjen e palës shitëse nga ana morale që t’i kthente pagesën dhe ta ndiqte vetë problemin për sa kohë makina nuk posedohet nga pala blerëse”.

fatjon burici emiliano lule