Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
INVESTIGIME
Skandali i institucioneve me kultivimin e drogës dhe precedenti i 'frikshëm' që po krijohet
E.DPërditësimi i fundit 27 Shtator 2024, 22:21
TIRANË- Prej më shumë se dy vitesh vijon saga institucionale për ekspertimin e farave të dyshuara si kanabis sativa. Institucionet vijojnë një lojë ping-pongu-u, që mund të rezultojë me arrestimin e të pafajshmëve dhe lirimin nga burgu të personave të përfshirë në kultivimin e lëndëve narkotike. Prej më shumë se dy vitesh, “Piranjat” kanë trajtuar këtë skandal, aspak normal.
Fillimisht dhe pse pa një marrëveshje të shkruar, ekpertimi i farave të dyshuara si narkotike, të kapura nga Policia e Shtetit, dërgoheshin në Qendrën e Transferimit të Teknologjive Bujqësore në Lushnjë, vend ku ruheshin pa asnjë kusht sigurie, e ku kushdo mund të futej brenda serave dhe të shkatërronte provat.
Të gjendur përballë presionit mediatik, Ministria e Bujqësisë i drejtohet me një shkresë Prokurorisë së Përgjithshme ku i kërkon nënshkrimin e një marrëveshjeje, e cila nuk u finalizua kurrë, pasi Prokuroria e Përgjithshme iu drejtua Policisë së Shtetit për nënshkrimin e marrëveshjes, në bazë të së cilës, ekspertimi i farërave të kapura nga Policia, do të kryhej nga Instituti i Policisë Shkencore.
Por prit… se nuk mbaron me kaq, pasi Policia Shkencore shprehet se ka kryer vetëm ekpertimin vizual të farërave, duke krijuar kështu një precedent të rëndë, në besueshmerinë e proceseve gjyqësore . Thënë shkurt, nga këto ekzaminime mund të kenë përfunduar në burg në pafajshëm, ose të jenë liruar personat e përfshirë në kultivimin e narkotikëve.
Edhe sipas ish-Prokurorit të Krimeve të Rënda, Eugen Beci, i cili foli për “Piranjat”, ekspertimi vizual i kryer nga Policia Shkencore është i paligjshëm. Ndërkohë, në rastin e mbjelljes së farave për ekzaminim, kemi edhe dy probleme të rënda ligjore.
I pari ka të bëjë me prishjen e provave. Nëse një person kapet me farëra të dyshuara si bimë narkotike, në rastin kur këta mbillen, prova konsiderohet e tjetërsuar, që në kuptimin ligjor, është një provë e pavlefshme
Problemi tjetër ligjor ka të bëjë me mbjelljen e këtyre farërave. Në asnjë moment në ligjin proccedurial penal, nuk parashikohet mbjellja dhe kultivimi i bimëve narkotike. Ndërkohë që në marrëveshje, Prokuroria ngarkon Policinë që të kultivojë hashash në kundërshtim të plotë me ligjet në fuqi.
Nëse në këtë rast, nuk ndryshohet ligji, agronomi i caktuar për ekzaminimet, po kryen një vepër penale, dhe kur është urdheruar nga prokuroria, atëherë kjo vepër bëhet më e rëndë.
E ndersa palet vazhdojnë të mos japin asnjë zgjidhje, duke u mjaftuar tek burokracitë e korrespondencës, ajo qe dihet me siguri eshte se ne kete moment, akoma nuk kryhet asnjë ekspertim i besueshëm per farat dhe bimet e dyshuara si kanabis cativa...
Një precedent që mund të shkaktojë pasoja në sistemin e drejtësisë, dhe për këtë dikush duhet të mbajë përgjegjësi.
