Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
INVESTIGIME
Përndiqte fiksimin e jetës së saj, 26-vjeçarja nga Dibra kërcënon Piranjat
n.fPërditësimi i fundit 7 Mars 2025, 22:03
Foto
TIRANË- Në Tetor të vitit të shkuar Piranjat sollën rastin e një nja vajze të re, e cila në mënyrë sistematike përndiqte një djalë. Ishte Arditi, 29 vjeçari nga Tirana, i cili na u drejtua për ndihmë, pasi përndiqej, denigrohej dhe terrorizohej familjarisht nga kjo vajzë e re. Historia ka nisur para katër vitesh në aplikacionin e Snapchat-it. Arditi, atëherë 25 vjeçar, njëlloj si shumë bashkëmoshatarë të tij, i kalonte orët e natës duke komunikuar në rrjetet sociale me vajza të së njëjtës moshë.
Në një nga këto biseda, ai njihet me Denisën, e cila nga fotot e publikuara, e tërheq menjëherë. Pavarësisht bisedave që dy të rinjtë bënin çdo natë, vajza nuk pranonte të shfaqej asnjëherë të vetme. Duke e mirëkuptuar në hezitimin e saj, Arditi vendos që ta takoje, dhe ajo tregohet menjëherë e gatshme. Në takimin e parë shfaqet një tjetër person që nuk ishte I njëjti me atë që kishin shkëmbyer në rrjetet sociale.
I zhgenjyer nga gënjeshtra e vajzës, i riu vendos të largohet duke ndërprerë menjëherë kontaktet me të. Sepse pak rëndësi kishte fakti nëse ishte më e bukur apo më pak e bukur se sa ajo që shfaqej në fotot e publikuara. Vajza që takoi nuk ishte ajo që kishte pretenduar. Pra, e kishte gënjyer që nga dita e parë e njohjes. Por fatkeqësisht, ky moment do të ishte edhe pikënisja e një trazimi shpirtëror për Arditin. Ai do të duhej të përballej me fiksimin e vajzës e cila nuk ndalej aspak pavarësisht indiferencës së të riut.
Mesazhet ditë për ditë nga 50 telefonata, 60 telefonata. Mesazhet po ashtu si në ËhatsApp me numra ndryshëm. Mesazhet dhe telefonata në Instagram. Por Denisa nuk do të ndalej me kaq. Më pas radha do t’i vinte familjarëve të Arditit, të cilët u vunë të gjithë në shënjestër. Një bullizëm pa limite, duke mos kursyer asnjë person, përfshi edhe fëmijët.
Ishte futur nëpër rrjetet sociale të vetë Arditit dhe të familjarëve të tij, kishte marrë foto nga më të ndryshmet dhe nga ai moment kishte vazhduar me postimet me nëpër rrjetet sociale, me fjalë vulgare nga mbrapaNë këto kushte, motër e vëlla, të terrorizuar nga këmbëngulja e frikshme e kësaj vajze, i drejtohen dyerve të policisë së shtetit, por duket se askush nuk e merr seriozisht situatën që ata të dy po kalojnë. Kjo indiferencë e organeve ligjzbatuese, duket se e nxiti edhe më shumë Denisën, duke i krijuar idenë se është e paprekshme. Por qershinë mbi tortë e vuri kjo shkresë e prokurorii Florian Borici të cilit mesa duket nuk i kanë mjaftuar faktet e paraqitura nga Arditi dhe motra e tij, prandaj ka vendosur mosfillimin e proçedimit. Ndërkohë vajza vijon me kërcënimet, ndërsa policia dhe prokuroria nuk veprojnë.
Në këto kushte udhëtojmë drejt Peshkopisë me shpresën se do ta bëjmë të arsyetojë dhe ta bindim se po vepron gabim duke kërcënuar një familje që nuk ka asnjë lidhje apo interes me të. Dhe për këtë, na duhet ndihma e Arditit i cili i kërkon takim në periferi të qytetit. Vajza qëndron e heshtur, dhe më shumë se pamjen e një personi të penduar për çfarë ka bërë, na jep idenë e dikujt që i zënë mat, po mundohet të shmanget duke mos dhënë përgjigje. Por sidoqoftë ajo që na intereson janë fotot dhe profilet denigruese që ka në celularin e saj.
Denisa vendos ta mbyllë takimin me Piranjat me shprehjen” Ju kam lënë Zotin”, por nëse do të kishte lënë Zotin, problemi është se e mori vetë përsipër hakmarrjen, duke iu rikthyer sërish formave të saj vulgare me mesazhe dhe tekste denigruese. Madje duke e shtuar dozën e agresivitetit. Por ky është vetëm fillimi... Çmenduria nuk ndalon aspak. Madje viktima të sharjeve dhe kërcënimeve bëhen fëmijët, njëlloj siç kishte ndodhur edhe më përpara me motrën e Arditit. Duke e kërcënuar se do të zhdukë kufomën, dhe duke kërcënuar gazetarët me jëtën e familjarëve.
Cfarë duhet të bëjë më shumë një individ që autoritetet të zgjohen dhe të ndëehyjnë sa nuk është vonë? Apo mos duhet që edhe njëherë punën e tyre ta bëjë media? Për t’i nxitur të bëjnë punën e tyre, Piranjat udhëtuan drejt Peshkopisë, ku bënë kallëzim në komisariatin e policisë. Në të njëjtën ditë, agjentët e atjeshëm e telefonuan 26 vjeçaren e cila nuk vonio të paraqitej. Vajza qëndroi për pak brenda ambienteve, nga ku doli fare e qetë dhe madje e buzëqeshur. Duket se edhe këtë herë policia nuk e ka marrë seriozisht këtë situatë, të një individi jashtë çdo kontrolli, por ne nuk mund ta lëmë me kaq...Prandaj “Piranjat” kërkojnë që ta bindin të heqë dorë nga këto metoda të dhunshme komunikimi, që shkojnë deri në kërcënime me jetë.
Por duke e Denisa as këtë herë nuk është bindur që kjo gjë që ka zgjedhur të bëjë ëstë e dënueshme. Duket qartë që dalja nga zyrat e policisë nuk e ka stepur aspak Denisën, e cila shfaqet përballë nesh edhe më agresive se më përpara. Duke kërcënuar dhe fyer këto që sipas mendjes së saj është shkak i publikimit të historisë absurde me Arditin.
Madje mundohet që gjatë gjithë kohës të hiqet si viktima e vetme. Të vrasësh një person është shumë e lehtë, të denigrosh fëmijët po ashtu.A ka nevojë për më shumë fakte prokuroria për të nisur një proçes ndaj vajzës?
