Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
INVESTIGIME
Shantazhonte 22 vjecaren e martuar me foto intime, Piranjat demaskojnë të riun
r.llPërditësimi i fundit 4 Tetor 2024, 22:29
foto ilustruese
TIRANË- Piranjat kanë trajtuar këtë rradhë historinë e një vajze 22-vjeçare nënë e një djali 3 vjec e cila prej disa javësh shantazhohej nga një 28-vjecar i quajtur Soni.
Njohja e tyre ka qënë krejt rastësisht, në ambientet e punës ku Soni punonte. Pas disa shikimeve, vajza vendos kontakt me 28-vjecarin në rrjetet sociale, duke bërë që lidhja të avancojë. Biseda, mesazhe, foto e video të shkëmbyera midis tyre. Por pas disa ditësh vajza vendos të ndërpresë raportin e tyre. Një foto selfie dhe një foto e kapur në dush do të ishte kurthi i Sonit për të shantazhuar të renë. Kërcënimet për vajzën shtoheshin dita ditës, ku 28-vjecari kërkonte raport intim ose fotot e videot e vajzës do të shkonin tek bashkëshorti dhe vjehrri i saj.
Teksa presioni për të takuar vajzën bëhet i madh, Piranjat vendosin t’i realizojnë kërkesën Sonit, duke e dërguar 22-vjecaren në takim në shtëpinë e tij. Me frikën se e reja do binte në grackën e këtij të fundit, Piranja Luela Gaxhja vendos të ndërhyjë duke zënë në befasi të riun I cili vendos të mbrohet duke ikur me vrap.
Por si do t’i shpëtonte Piranjave, kur ato vrapin e kanë armën e tyre më të fortë?
E ndërsa jemi duke vrapuar pas tij, i riu duket se reflekton dhe më në fund vendos të flasë me ne duke na shpjeguar historinë e tyre.
Pas vetëm 10 ditësh komunikimi, 28 vjecari është i bindur se ka të drejta të plota mbi gruan e re. I zënë në besë nga ish-mikja e tij, ai nis të tregojë historinë e tyre duke shtuar dozën e agresivitetit për njeriun më të urryer.
Përtej diskutimit se kush është fajtori në këtë trekëndesh dashurie, ajo që kërkojmë nga Soni është fshirja e fotove nudo me të cilat ka shantazhuar vajzën, por këtu hasim në një pengesë të papritur, pasi telefoni I tij ndodhej në shtëpi, në pamundësi për të hapur derën,
Pas rreth një ore mes kërkesës për të fshirë fotot dhe refuzimeve të 28 vjeçarit, i cili përpiqej të na sillte rrotull, u desh të kërkonim ndihmën e policisë, e cila nisi menjëherë procedurat ndaj tij.
