Kampionati “Abissnet Superiore” do të vijojë me ndeshjet e javës së 9-të, të cilat do të zhvillohen të m&eu...
POLITIKE
Ish-zv.ministrja e Financave kritikon paketën fiskale: Paradoks fiskal! Qeveria me një dorë do të ulë taksën e bukës, me tjetrën do rrisë energjinë
PiranjatPërditësimi i fundit 27 October 2026, 22:14
Ish-zëvendësministrja e Financave dhe ish-drejtoresha e Doganave, Irena Beqiraj ka kritikuar së fundmi paketën fiskale të qeverisë për vitin 2027, të cilin e cilëson si një paradoks fiskal. Ish-socialistja thekson se nga njëra anë do të kemi ulje me 6% të TVSH-së për produktet ushqimore e nga ana tjetër shkruan se mund të shtrenjtohet energjia dhe transporti që nevojiten për ta prodhuar dhe për ta çuar atë në dyqan.
“Nëse paketa fiskale për vitin 2027 parashikon uljen e TVSH-së në 6% për produktet ushqimore, por njëkohësisht rritjen e normës standarde në 21% për mallrat dhe shërbimet e tjera, atëherë kemi një paradoks fiskal. Me njërën dorë ulet taksa mbi bukën, me tjetrën mund të shtrenjtohet energjia dhe transporti që nevojiten për ta prodhuar dhe për ta çuar atë në dyqan.”, shkruan Beqiraj përgjatë reagimit të saj.
Qeveria do të ulë taksën për ushqimet, por a do të paguajmë më pak? Gazetarja e njohur tregon çfarë mund të ndodhë me çmimet Më tej, Beqiraj nënvizon se ndërkohë që qeveria premton lehtësim të kostos së jetesës, rritja e taksave të tjera mund të shtojë kostot e bizneseve dhe të ndikojë në çmimet që paguajnë qytetarët.
Sipas Beqirajt, qeveria premton ulje çmimesh me njërën dorë, por me tjetrën rrit taksat, duke rrezikuar që qytetarët të mos përfitojnë realisht nga kjo paketë fiskale. Ndër rreshta ish-zvministrja e Financave ngre shqetësimin e saj dhe për taksat shtesë që sipas saj do i paguajë populli për financimin e kompanisë KAYO.
“Atëherë, si mund t'i premtohet biznesit frymëmarrje ekonomike, kur njëkohësisht i shtohen detyrimet dhe kostot fiskale, dhe si mund t'u premtohet qytetarëve ulje e kostos së jetesës, pa analizuar se kush do t'i përballojë realisht rritjen e taksave me 150 milionë euro .......
Qeveria premton se do të na ulë koston e jetesës duke ulur një taksë dhe duke rritur disa të tjera. Në fund, biznesi do të bëjë llogaritë e veta, konsumatori do të paguajë faturën dhe qeveria do të numërojë sukseset.
Historikisht në paketat fiskale ulja e çmimeve është premtim, ndërsa rritja e taksave është vendim.
Në këtë paketë me njërën dorë qeveria të jep, me tjetrën të merr; të dyja duart janë të qeverisë. Xhepave të qytetarëve u mbetet vetëm të paguajë 150 milionë euro taksa shtesë , me të cilat do të financohet Kayo kuptohet siç dëshiron Roni, pa proçedura prokurimi !” shkruan Beqiraj.
