Pasi i dështoi dje ftesa për dialog, pasi studentë dhe pedagogë refuzuan ftesën, vjen sërish reagimi nga Rama. Ky i fundit pasi ka...
KOSOVA
Vjehrra e nxjerr nga furgoni dhe e përplas në tokë, 28-vjeçarja përfundon në spital
PiranjatPërditësimi i fundit 15 Qershor 2026, 17:20
Nga “nuk ma pëlqen si e mban shtëpinë” te “hajde dalim pak jashtë ta sqarojmë”. Kështu duket se ka përshkallëzuar konflikti mes një nuseje 28-vjeçare dhe vjehrrës së saj 56-vjeçare në qendër të Shkupit.
Një 28-vjeçare ka përfunduar në spital me lëndime të rënda trupore pasi pretendon se është sulmuar nga vjehrra e saj. Sipas informacioneve të policisë, fillimisht është dëmtuar furgoni me të cilin po udhëtonte nusja, ndërsa më pas e reja është nxjerrë me forcë nga automjeti dhe është rrëzuar në tokë. Lëndimet janë konfirmuar nga mjekët në spitalin “Shën Naumi i Ohrit”.
Sipas raportimeve, gjithçka ka nisur nga një konflikt familjar. Ende nuk dihet se çfarë e ndezi përplasjen, por duket se debati nuk u mbyll me kunjat klasike të tavolinës familjare. Këtë herë, sipas denoncimit, skenari kaloi nga “nuk ma pëlqen si e mban shtëpinë” te “hajde dalim pak jashtë ta sqarojmë”.
Ngjarja është raportuar në polici disa orë më vonë dhe autoritetet kanë nisur hetimet për zbardhjen e plotë të rrethanave. Ndërkohë, ky rast i shtohet listës së historive që tregojnë se jo çdo konflikt mes nuses dhe vjehrrës mbaron me heshtje në tavolinë. Disa, mesa duket, përfundojnë te urgjenca.
Se çfarë ka ndodhur saktësisht do ta tregojnë hetimet, por një gjë është e sigurt: kur një debat familjar kalon nga fjalët te furgoni i dëmtuar dhe spitali, nuk kemi më të bëjmë me thashetheme lagjeje, por me kronikë të zezë.
