Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
LIFESTYLE
Dua Lipa zgjedh “The Handmaid’s Tale” të Margaret Atwood si librin e muajit nëntor
PiranjatPërditësimi i fundit 6 Nëntor 2025, 14:07
Këngëtarja me famë botërore Dua Lipa ka shpallur zgjedhjen e saj për “Leximi i muajit” të nëntorit 2025: romani klasik The Handmaid’s Tale i shkrimtares kanadeze Margaret Atwood.
Në postimin e saj, Dua e përshkruan librin si “profetik dhe tronditës”, duke kujtuar se për herë të parë e kishte lexuar në shkollë, kur e kishte konsideruar si letërsi distopike, por sot “nuk është më aq e sigurt”.
“Romani tregon historinë e një gruaje të bllokuar në botën e errët të Gilead-it, ku gratë janë zhveshur nga çdo e drejtë mbi trupin e tyre. Margaret ka thënë se nuk e ka shpikur asgjë dhe pasi e lexova sërish, e kuptova pse,” shkruan Dua Lipa, transmeton KultPlus.
Ajo ka shtuar se, duke lexuar librin krahas memoarit të ri të Atwood, “Book of Lives”, ka zbuluar kontekstin historik që frymëzoi autoren, dhe se shumë prej ngjarjeve të përshkruara ndihen “shqetësuese dhe të njohura” edhe sot.
“E ardhmja ekziston në një numër të pafund mundësish,” citon ajo Atwood-in. “The Handmaid’s Tale eksploron vetëm njërën prej tyre. Qëllimi i profecisë është të na paralajmërojë dhe na takon neve të zgjedhim çfarë të ardhme duam.”
Romani i Atwood, botuar fillimisht më 1985, është konsideruar një nga veprat më të rëndësishme të letërsisë bashkëkohore dhe frymëzoi serialin televiziv të suksesshëm me të njëjtin titull.
