Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
LIFESTYLE
Fëmija ju kërkon telefonin? Ky opsion i iPhone është shpëtim për prindërit
PiranjatPërditësimi i fundit 21 Maj 2026, 14:43
T’ia japësh dikujt telefonin duket si një gjë krejt normale. Derisa, sapo telefoni largohet nga dora jote, truri fillon menjëherë të kujtojë gjithçka që ndodhet aty brenda: mesazhe private, foto, email-e pune, aplikacione bankare, screenshots që kishe harruar fare se ekzistonin.
Por ekziston edhe një kategori tjetër njerëzish që e dinë shumë mirë këtë ankth: prindërit. Sepse kur i jep telefonin një fëmije “vetëm për 5 minuta” zakonisht përfundon me 89 foto të paqarta, 14 aplikacione të hapura, telefonata dhe një blerje aksidentale që s’e kupton si ndodhi.
Pikërisht për këtë arsye, shumë përdorues të iPhone po zbulojnë një funksion që ekziston prej kohësh, por që shumica nuk e përdorin fare: Guided Access.
Ky opsion e “bllokon” telefonin vetëm në një aplikacion të vetëm. Pra, nëse po i jep dikujt telefonin për të parë një video në TikTok, për të luajtur një lojë apo për të parë një video në YouTube, ai person mund të përdorë vetëm atë aplikacion, jo galerinë, mesazhet apo pjesën tjetër të telefonit.
Aktivizimi është shumë i thjeshtë:
1. Hyni te Settings 2. Zgjidhni Accessibility 3. Klikoni Guided Access 4. Aktivizojeni dhe vendosni Face ID ose kodin
Më pas, sa herë doni t’ia jepni dikujt telefonin, mjafton të hapni aplikacionin që doni dhe të klikoni tre herë butonin anësor të iPhone. Telefoni bllokohet automatikisht vetëm në atë aplikacion. Për të çaktivizuar Guided Access, klikoni sërisht tre herë butonin anësor.
