Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
LIFESTYLE
Meri Shehu për ndeshjen Serbi–Shqipëri: Data 11 është e vështirë, shanset janë për barazim
PiranjatPërditësimi i fundit 1 Tetor 2025, 16:39
Astrologia Meri Shehu, ishte këtë të mërkurë e ftuar në emisionin Wake Up, ku foli për parashikimet e muajit tetor dhe ndikimin e tyre në ngjarje të ndryshme.
Teksa shpjegonte se 11 tetori është një datë sfiduese për të gjithë shenjat, moderatorët e pyetën lidhur me përballjen e rëndësishme që Kombëtarja shqiptare do të ketë atë ditë kundër Serbisë.
“Data 11 është e vështirë si për ne, ashtu edhe për ata. Në raste të tilla, zakonisht shkojmë drejt barazimit. Nuk ka një energji të fortë fitoreje, edhe pse ndikojnë shumë rrethana të tjera,” u shpreh Shehu.
E pyetur për rezultatin e mundshëm, ajo shtoi: “Barazimi më duket më i mundshëm, edhe 0-0. Sepse po u futën gola, atëherë gjërat ndërlikohen. Më mirë të mbyllet e balancuar.”
Sipas saj, edhe shenjat astrologjike të të dyja kombëtareve tregojnë një përplasje të barabartë: “Ne jemi Bricjapë, edhe ata janë Bricjapë. Kjo i çon gjërat drejt barazimit. Pastaj, nëse ndikon golavarazhi, mbetet për t’u parë.”
Astrologia përfundoi duke theksuar se 11 tetori është një ditë ku kujdesi dhe qetësia vlejnë më shumë se euforia, ndaj edhe për futbollin, barazimi është skenari më i mundshëm.
