Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
LIFESTYLE
Planeti drejt katastrofës globale? Temperaturat pritet të rriten me 2.6°C deri në fund të shekullit!
PiranjatPërditësimi i fundit 13 Nëntor 2025, 17:15
Bota po përballet me një paralajmërim serioz nga shkencëtarët për një rritje dramatike të temperaturës globale me 2.6°C mbi nivelet para-industriale, nëse vendet nuk marrin masa urgjente për uljen e emetimeve. Raportet e fundit të “Climate Action Tracker” tregojnë se planet aktuale të qeverive nuk po arrijnë të shmangin ngrohjen e rrezikshme të Tokës, ndërsa emetimet nga lëndët djegëse fosile kanë arritur nivele rekord.
Pavarësisht premtimeve ndërkombëtare për reduktimin e ndotjes, të ashtuquajturat Kontribute të Përcaktuara Kombëtarisht (NDC) mbeten të pamjaftueshme. Vetëm 100 vende kanë dorëzuar plane të reja deri tani, duke e lënë botën në një kurs drejt krizës klimatike. Një rritje me 2.6°C do të shënonte kalimin e kufirit të Marrëveshjes së Parisit, duke sjellë pasoja katastrofike: thatësira ekstreme, përmbytje vdekjeprurëse, kolaps të sistemeve bujqësore dhe humbje të ekosistemeve jetike. Ekspertët paralajmërojnë se mund të ndodhin “pika kthese” në klimë, si shembja e qarkullimit të Oqeanit Atlantik dhe zhdukja e shkëmbinjve koralorë.
“Një ngrohje botërore me 2.6°C do të thotë katastrofë globale,” paralajmëron drejtori i “Climate Analytics”, duke shtuar se ky skenar mund të shkatërrojë bujqësinë në Europë dhe Azi, duke shkaktuar mungesa ushqimore dhe valë të nxehtësisë vdekjeprurëse.
Aktualisht, planeti është ngrohur me rreth 1.3°C për shkak të shpyllëzimit dhe përdorimit të karburanteve fosile, duke sjellë tashmë pasoja të dukshme: zjarre masive, stuhi dhe fatkeqësi natyrore gjithnjë e më të shpeshta. Thatësira dhe temperaturat e larta ulin me 30% prodhimin e ullirit këtë vit.
Edhe pse përdorimi i energjisë së rinovueshme është në rritje, emisionet e karbonit pritet të rriten me 1% gjatë vitit 2025, duke e mbajtur njerëzimin në rrugën e gabuar. Shkencëtarët kërkojnë veprim të menjëhershëm global për të frenuar krizën klimatike, përpara se dëmet të bëhen të pakthyeshme.
